rKTs

e-texts navigator

Volume

Page

31a₁ 'chal pa'i tshul khrims kyi nyes pa yin te/ bcu gang zhe na/ tshul khrims 'chal pa ni 'chi ba'i dus kyi tshe gdung bar 'gyur ba dang / dge slong tshul khrims nyams pa 'gyod par 'gyur ba dang / mnar med par 'gro'o zhes 'khor gyi nang na 'dug na skrag pa dang /
31a₂ bdag nyid tshul khrims la skur pa 'debs pa dang / bdag ni sangs rgyas rnams kyis yongs su spangs pa dang / bdag ni nyan thos rnams kyis yongs su spangs pa dang / bdag ni lha rnams kyis yongs su spangs pa'o snyam pa dang / 'chi ba'i tshe 'jigs pa dang bcas pa dang /
31a₃ ngan 'gror 'gro ba dang / mi'i lus thob par dka' ba'o/ /shA ri'i bu de dag ni dge slong tshul khrims 'chal pa'i 'chal pa'i tshul khrims kyi nyes pa ste/ tshul khrims 'chal pa ni 'chi ba'i dus kyi tshe gdung ba 'byung bar 'gyur ro/ /shA ri'i bu de lta bas na 'dod pa rnams la
31a₄ nyes dmigs kyi 'du shes bskyed par bya'o/ /shA ri'i bu 'di la dge slong dgon pa na gnas pa'am/ shing drung na gnas pa'am/ khang stong na gnas pa'am/ bla gab med pa na gnas pa ni 'dod pa rnams ni dri nga ba'o/ /'dod pa rnams ni mi 'thun pa'o/ /'dod pa rnams ni rma'i kha lta
31a₅ bu'o/ /'dod pa rnams ni blta bar mi 'os pa'o/ /'dod pa rnams ni smad par bya ba'o/ /'dod pa rnams ni bshang bas yongs su gang ba'i ro lta bu'o/ /zhes de ltar so sor yang dag par slob bo/ /de dag ni byis pa 'phyar ba'i spyod yul yin te/ shA ri'i bu bud med la sten pa dang bsnyen pas
31a₆ chog go/ shA ri'i bu bud med kyi lus phyi sa dang mchil mas yongs su gang ba de la su zhig dga' ste/ shA ri'i bu de dag ni 'jig rten gyi khyi ro rul pa dang 'dra bar smad par bya ba yin no/ /shA ri'i bu 'di lta ste dper na/ khyi ro mi gtsang ba rul ba/ dri nga ba/ mdog mi sdug
31a₇ cing sngo la pags pa mugs pa/ srog chags kyis yongs su gang ba zhig lam ka na snang la/ de'i steng na char pa yang bab cing de rlung gis kyang kun nas btab/ der mi rnams kyang kun nas 'khor bar gyur te/ de dag gis dri de tshor na/ shA ri'i bu 'di ji snyam du sems/ mi

_{iiif viewer powered by OpenSeadragon}

30b - 31b

Texts on this page