| e-texts navigator |
| བོད་ཡིག |
310a1 'gyur ba ma gtogs par gzhan thabs mkhas pa 'di'i snod du gyur pa gang yang med do/ /'di lta ste/ rigs kyi bu mtshan mo sa sros pa'i mun par mar me bus na khyim na snod thams cad snang bar 'gyur ba de bzhin du byang chub sems dpa' yang thabs mkhas pa bstan
310a2 pa 'di thos te mos par gyur nas sangs rgyas kyi spyod pa thams cad mthong bar 'gyur zhing sems can dag la yang slob par 'gyur ro/ /rigs kyi bu khyod la bsgo'o/ /khong du chud par bya'o/ /byang chub 'dod pa'i rigs kyi bu'am/ rigs kyi bu mos thabs mkhas pas 'di
310a3 gang na rnar grag par 'gyur na/ dpag tshad 'bum du yang 'gro bar bya'o/ /de ci'i phyir zhe na/ de ltar bstan pa 'di thos na snang ba thob par 'gyur/ sangs rgyas kyi chos thams cad 'gyod pa med par 'gyur/ the tshom dang bral bar 'gyur ro/ /de nas lha dang 'jig rten du
310a4 bcas pa'i 'khor bzhi las sems can gang dag snod du gyur pa de dag gis ni chos kyi rnam grangs 'di thos so/ /gang snod du ma gyur pa de dag gi ni rna lam du yang mi grag go/ /chos kyi rnam grangs 'di bshad pa'i tshe/ srog chags bdun khri nyis stong gis bla na med pa
310a5 yang dag par rdzogs pa'i byang chub tu sems bskyed do/ /de nas bcom ldan 'das la tshe dang ldan pa dga' bos 'di skad ces gsol to/ /bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ dga'
310a6 bo chos kyi rnam grangs 'di ni thabs mkhas pa'i pha rol tu phyin pa bstan par zung shig / sangs rgyas thams cad kyi thabs mkhas pa'i gsang ba'i le'ur zung shig ces bcom ldan 'das dgyes shing de skad ces bka' stsal pa dang / dga' bo dang / byang chub sems dpa' sems dpa' chen
310a7 po ye shes bla dang / lha dang mi dang lha ma yin dang / dri zar bcas pa'i 'jig rten rnams bcom ldan 'das kyis bka' stsal pa la mngon par dga'o/ /thabs mkhas pa zhes bya ba theg pa chen po'i mdo rdzogs so// //sh+lo ka drug brgya ste bam po gnyis/ //
iiif viewer powered by OpenSeadragon
Texts on this page
D261 - 'phags pa thabs mkhas pa zhes bya ba theg pa chen po'i mdo