rKTs

e-texts navigator

Volume

Page

30a₁ bzhin dang 'phral ba'i mdangs gsal bar 'gyur ro/ /shA ri'i bu 'di lta ste dper na mi zhig gi lus la nad kyis thebs la rnag smin nas de'i yan lag dang nying lag thams cad la rma'i kha brgyad khri bzhi stong yod la/ rma'i kha re re la yang srin bu'i tshogs
30a₂ brgyad khri bzhi stong yod de/ de dag mchu rno zhing mchu kha gnyis na yod la/ kha zas yongs su zos pa rnams kyis tshim par mi 'gyur zhing / de ma dag ma spungs pa'i drung du 'dug na/ ji tsam na srog chags de dag mes gdungs par gyur pa dang / de la phyir zhing za bar byed/ yongs
30a₃ su za bar byed na/ shA ri'i bu 'di ji snyam du sems/ mi de srog chags de dag gis zos pa yin nam/ 'on te ma zos/ de skad ces bka' stsal pa dang / tshe dang ldan pa shA ri'i bus bcom ldan 'das la 'di skad ces gsol to/ /bcom ldan 'das bdag ni 'di thos pa nyid
30a₄ kyis lus kyi spu zing zhes bgyid par gyur na/ mi de'i mi 'thun pa lta smos kyang ci 'tshal te/ bcom ldan 'das mi de ni srog chags kyi rigs de dag gis 'tshal ba lags kyi ma 'tshal ba ni ma lags so/ /de srog chags brgyad khri bzhi stong po de dag gis lus g.ya' bar
30a₅ bgyid cing 'di ltar zhi bar mi bgyid la/ bde ba thob par yang mi bgyid pa lags so/ /shA ri'i bu 'di ji snyam du sems/ mi de'i lus la rnag dang khrag 'dzag cing de lta bur gyur pa de smad par bya ba yin nam/ gsol pa/ smad par bgyi ba lags/ mi 'thun pa lags/ blta bar
30a₆ mi 'os pa lags so/ /bka' stsal pa/ shA ri'i bu de bzhin du dge slong mkhas pa dag ni 'di la so so yang dag par slob ste/ bud med ni 'di ltar btsog pa/ 'di ltar dri nga ba/ 'di ltar mi 'thun pa/ 'di ltar blta bar mi 'os pa'o/ /nyon mongs pa khol ba'i bud med de dag dang
30a₇ bsten par bya ba ma yin te/ 'dod pa rnams ni dri nga ba'o/ /'dod pa rnams ni mi 'thun pa'o/ /'dod pa rnams ni mi gtsang ba'o/ /'dod pa rnams ni blta bar mi 'os pa'o zhes bcom ldan 'das kyis bka' stsal to snyam mo/ /shA ri'i bu skyes pa'i lus la yod pa lta bu ma yin

_{iiif viewer powered by OpenSeadragon}

29b - 30b

Texts on this page