rKTs

e-texts navigator

Volume

Page

309a₁ gshegs pas srog bcad pa'i lhag ma lus pas de bzhin gshegs pa'i dbu bsnyung bar gyur to zhes las kyi rgyud de bstan te/ de bstan pa'i tshe de bzhin gshegs pas lha dang mi'i skye dgu stong phrag bcu btul te/ de yang de bzhin gshegs pa'i thabs mkhas pa yin
309a₂ gyi/ las kyi sgrib pa ni ma yin no/ /ci'i phyir na bram ze ba ra dwa dzas de bzhin gshegs pa la mi snyan pa lnga brgya smras na de bzhin gshegs pa yang bzod par mdzad ce na/ de bzhin gshegs pa ni bram ze ba ra dwa dzas mi snyan par smra ba phyogs gzhan du 'phang ba'am/ ngag gi las gcig
309a₃ 'byung bar yang mi nus mod kyi/ 'khor de'i nang na lha dang mi mang po tshogs par gyur pas de dag gis de bzhin gshegs pa'i bzod pa'i stobs bskyed par mthong ste/ de bzhin gshegs pa ma khengs ma dud cing sems mnyam pa bde ba'i dngos po dang ldan pa/ sems brtan pa/ sems
309a₄ mnyan pa des par mthong nas srog chags bzhi stong gis bla na med pa yang dag par rdzogs pa'i byang chub tu sems bskyed par gyur te/ don de gzigs nas de bzhin gshegs pas bram ze ba ra dwa dzas mi snyan par smra ba btang snyoms su bzhag gi /de bzhin gshegs pa la gang na
309a₅ yang las kyi sgrib pa med de/ de yang de bzhin gshegs pa'i thabs mkhas pa yin gyi/ las kyi sgrib pa ni ma yin no/ /gang yang lha sbyin tshe rabs thams cad du byang chub sems dpa' sems dpa' chen po'i rjes su 'brang bar 'gyur ba de yang byang chub sems dpa'i thabs mkhas pa
309a₆ yin no/ /de ci'i phyir zhe na/ ngas ni lha sbyin la gnas te pha rol tu phyin pa drug yongs su rdzogs par gyur cing sems can dpag tu med pa'i don byas so/ /rnam grangs gang gis zhe na/ rigs kyi bu 'di la gang gi tshe sems can dag bde ba dang ldan par byas pa de'i tshe sbyin par yang mi
309a₇ shes/ len par yang mi shes nas lha sbyin byang chub sems dpa'i gan du 'ongs te/ bu slong chung ma slong rgyal srid slong / lag pa dang / rkang pa dang / mig dang / mgo dang / de la sogs pa gzhan dag kyang gang dka' bar spyod pa/ sems can rnams kyi dge ba'i rtsa ba skyed par byed pa

_{iiif viewer powered by OpenSeadragon}

308b - 309b

Texts on this page