| e-texts navigator |
| བོད་ཡིག |
308b1 lhags par gyur la/ de dag kyang sngon 'od srung gis sangs rgyas dang / chos dang / dge 'dun dang / bag byed pa la bkod par gyur cing lha'i bu de dag gis byang chub kyi yan lag gi gtam phyi phyir zhing thos pas gal te 'od srung ma gtogs par lha'i bu de dag la sangs rgyas stong gi chos
308b2 bshad kyang shes par 'gyur ba'am/ shes pa 'dzin pa med nas 'od srung gis byang chub kyi yan lag rab tu dbye ba rgyas par bshad pa dang / lha'i bu brgya stong po de dag gis kyang ye shes rtog par gyur/ sems can gang na ste chos mi nyan cing chos nyan par mi 'gro ba'i sems can de dag
308b3 kyang de bzhin gshegs pa chos kyi rje yang byang chub kyi yan lag brjod pa gsan nas nad las yongs su thar na bdag cag gis lta ci'i phyir chos mnyan par mi bya snyam du sems par gyur te/ rigs kyi bu de lta bas na lha'i bu de dag gdul ba'i don du bya ba dang / sems can nad pa dag la chos
308b4 nyid bstan pa'i phyir de bzhin gshegs pas nga ro rgyab na bas 'od srung byang chub kyi yan lag shod cig ces de skad kyi tshig gsungs te/ de yang de bzhin gshegs pa'i thabs mkhas pa yin gyi/ las kyi sgrib pa ni ma yin no/ /ci'i phyir na shAkya rnams brlag pa na de bzhin gshegs
308b5 pa nga klad pa na ste mi bzod do zhes gsung zhe na/ rigs kyi bu 'di la sems can kha cig de bzhin gshegs pa ni gnyen rnams kyi don mi bzhed/ phan par mi bzhed/ bde bar mi bzhed/ phan pa dang bde bar mi bzhed pas de'i phyir rgyal po'i rigs thams cad kha btag go snyam du sems
308b6 kyi/ de bzhin gshegs pas gnyen rnams kyi thog ma med pa'i sdug bsngal gyi phung po mthar phyung bar ni mi shes pa'i sems can de dag gi sems bsrung ba'i phyir gnas brtan dga' bo la nga ni klad pa na ste mi bzod do zhes de skad kyi tshig gsung ste/ rigs kyi bu gang gi tshe na de bzhin
308b7 gshegs pas gnas brtan dga' bo la nga ni klad pa na ste mi bzod do zhes de skad kyi tshig gsungs pa de'i tshe lha'i bu chad par smra ba sum stong dang / sems can srog gcod par byed pa mang po lhags nas lha'i bu de dag dang / sems can de dag las kyi lam la gzhug pa'i phyir de bzhin
iiif viewer powered by OpenSeadragon
Texts on this page
D261 - 'phags pa thabs mkhas pa zhes bya ba theg pa chen po'i mdo