rKTs

e-texts navigator

Volume

Page

307a₁ zhes smra zhing de dag de'i tshe skur pa zil gyis mnan nas yongs su dag pa yongs su dkar ba'i tshangs par spyod pa spyad par 'gyur gyi/ 'bri bar ni mi 'gyur ro/ /bu mo tsan tsa ni sdig pa'i las kyis g.yogs nas rmi lam na yang de bzhin gshegs pa la skur pa 'debs
307a₂ pa de shi 'phos ma thag tu yang sems can dmyal bar 'gro bar 'gyur ro/ /de ste de bzhin gshegs pas de bsrung nus par mkhyen na ni de bsrungs par 'gyur ro/ /de ci'i phyir zhe na/ de bzhin gshegs pas ni sems can gang yang yongs su gtang ba med pa'i phyir ro/ /ci'i phyir
307a₃ na mdzes ma kun tu rgyu ba srog dang bral nas dze ta'i tshal du sbas na de bzhin gshegs pa thams cad mkhyen pas kyang g.yel bar bor zhe na/ de bzhin gshegs pa ni thogs pa med pa'i ye shes dang ldan pas de 'dra bar 'gyur bar yang mkhyen la de bzhin gshegs pas ci nas kyang mdzes
307a₄ ma kun tu rgyu ba mtshon gyis mi zug pa dang / gzhan du 'phang bar bya ba de lta bu'i rdzu 'phrul byin gyi rlabs kyang nus mod kyi/ de bzhin gshegs pa mdzes ma kun tu rgyu tshe zad pas de nges par 'chi dgos la/ rnam grangs des kyang mu stegs can gzhan dag rang gis nyes pas shin tu tshar
307a₅ gcod par 'gyur bar mkhyen te/ chos dkar po rnams 'phel bar bya ba'i phyir gang de bzhin gshegs pas byin gyis brlabs pa de ni sangs rgyas kyi ye shes so/ /de bas na de bzhin gshegs pa zhag bdun du grong du ma gshegs te/ lha bye ba phrag drug cu'ang btul lo/ /zhag bdun
307a₆ po de 'das nas 'khor bzhi bcom ldan 'das kyi drung du lhags nas/ de bzhin gshegs pas ci nas kyang srog chags brgyad khri bzhi stong gis ye shes rtogs par 'gyur ba de lta de ltar de dag la chos bshad do/ /ci'i phyir na de bzhin gshegs pas zla ba gsum rta'i chas kyi nas gsol
307a₇ ce na/ de bzhin gshegs pas bram ze dang / khyim bdag 'di dag nga spyan drangs nas mi sems par 'gyur ro snyam du'ang mkhyen mod kyi/ de bzhin gshegs pas mkhyen bzhin du der tshul du zhugs so/ /ci'i phyir na gang rta lnga brgya po de dag gi chas la de bzhin gshegs pa dge slong gi

_{iiif viewer powered by OpenSeadragon}

306b - 307b

Texts on this page