rKTs

e-texts navigator

Volume

Page

306b₁ gyis bram ze dang / khyim bdag ci nas kyang bsod snyoms mi ster bar byin gyis brlabs so zhes bya ba yang de ltar yang mi blta'o/ /de ci'i phyir zhe na/ bdud ni de bzhin gshegs pa la bsod snyoms kyi bar chad byed mi nus mod kyi/ sangs rgyas kyi byin gyi rlabs kyis bdud
306b₂ kyis bram ze dang / khyim bdag phyogs su byin gyis brlabs kyi/ de bzhin gshegs pa la ni las kyi sgrib pa kyang med de/ sems can de dag yongs su smin par rung ba'i phyir thabs mkhas pa ston to/ /de la de bzhin gshegs pas bshos bcad pa dang / bdud dang bdud
306b₃ kyi ris kyi lha rnams dang lha gzhan dag dge sbyong gau ta ma'am/ de'i nyan thos dag yid mi bde bar mi gnas grang zhes de bzhin gshegs pa nyan thos kyi dge 'dun dang bcas pa'i sems la rtog ste/ de dag nyin mtshan du de bzhin gshegs pa nyan thos kyi dge 'dun dang bcas pa'i
306b₄ sems la brtags kyang sems kyi gnas gcig kyang yid mi bde bar ma mthong ste/ ma khengs ma dud cing sngon ji lta ba phyis kyang de bzhin/ phyis ji lta ba sngon yang de bzhin no/ /de nas de'i tshe lha'i bu bdun khri sems dad nas de bzhin gshegs pa la phyag 'tshal ba dang / de bzhin
306b₅ gshegs pas ci nas kyang de dag thams cad chos la chos kyi mig rnam par dag pa'i chos bshad de/ de yang de bzhin gshegs pa'i thabs mkhas pa yin gyi/ las kyi sgrib pa ni ma yin par shes par bya'o/ /ci'i phyir na bu mo tsan tsas shing gi gzhong pa lto ba la bcings nas
306b₆ skur pa ni de bzhin gshegs pa la las kyi sgrib pa'i nyes pa gang yang med la/ de bzhin gshegs pas bu mo tsan tsa 'jig rten gyi khams gang gA'i klung gi bye ma snyed du 'phang yang nus mod kyi/ de bzhin gshegs pa thabs mkhas pas las kyi byed pa ston to/ /bstan pa 'di
306b₇ la rab tu byung ba la skur pa btab pa dag 'byung ste/ de dag mi bden par skur par 'gyur ro/ /de dag 'gyod pa tsam du gyur te skur pa btab pa dang de bzhin gshegs pa chos dkar po thams cad dang ldan pa de la yang mngon sum du skur pa 'byung na bdag cag lta ci'i phyir mi 'byung

_{iiif viewer powered by OpenSeadragon}

306a - 307a

Texts on this page