rKTs

e-texts navigator

Volume

Page

305b₁ gnas kyang las rnams mi 'byung ba/ /de lta bu yi sa phyogs yong med de/ /bar snang ma yin rgya mtsho'i dbus ma yin/ /ri yi phrag tu zhugs kyang ma yin no/ /rigs kyi bu de nas mi nyi shu po de dag 'di snyam du gyur te/ de bzhin gshegs pa chos kyi rje la'ang rnam par smin par 'gyur
305b₂ na bdag cag lta ci'i phyir rnam par smin par mi 'gyur snyam nas de nas de'i tshe de bzhin gshegs pa'i spyan sngar bcom ldan 'das bdag cag gis gdon mi 'tshal bar srog gcad par bgyis te/ de bzhin gshegs pa'i spyan sngar nongs pa bshags so zhes nyes pa bshags
305b₃ pa dang / ci nas kyang skyes bu bzhi bcu po de dag ye shes rtogs par 'gyur ba dang / srog chags sum khri nyis stong rdul med cing dri ma dang bral ba'i chos la chos kyi mig rnam par dag par 'gyur ba dang / las zad par bya ba'i phyir las las brtsams nas de ltar de bzhin
305b₄ gshegs pas chos bshad do/ /rgyu de dang rkyen de'i phyir de bzhin gshegs pa'i zhabs la seng ldeng gi tshal pa zug ste/ de yang de bzhin gshegs pa'i thabs mkhas pa yin gyis las kyi sgrib pa ma yin no/ /ci'i phyir na de bzhin gshegs pa nad dang bral ba sman pa 'tsho byed kyi
305b₅ drung du me tog ud pa la'i bkru sman la snom par mdzad ce na/ de'i tshe na so sor thar pa bcas nas ring po ma lon par dge slong so so'i skye bo srid pa tha mar gyur pa lnga brgya nags stug po zhig na 'khod pa las de dag sman khu ba phyung bas zhi bar bya mi nus pa de 'dra ba'i nad kyis btab
305b₆ par gyur nas de dag de bzhin gshegs pa la gus pas sman gzhan yang mi tshol lo/ /rigs kyi bu de nas de bzhin gshegs pa 'di snyam du dgongs par gyur te/ ngas kyang ma gnang la dge slong de dag kyang sman gzhan tshol bar 'gyur ba de lta bu'i thabs ci yod snyam mo/ /de
305b₇ ci'i phyir zhe na/ gal te de bzhin gshegs pas gnang du zin na ni de'i phyir dus phyi ma la 'phags pa'i rigs nyams par 'gyur ro/ /de bas na de bzhin gshegs pa thabs mkhas pas sman pa 'tsho byed kyi drung du me tog ud pa la'i bkru sman la bsnams pa dang / de gnas

_{iiif viewer powered by OpenSeadragon}

305a - 306a

Texts on this page