rKTs

e-texts navigator

Volume

Page

305a₁ gi tshal pa 'byung ste/ 'di ni de bzhin gshegs pa'i zhabs g.yas pa la zug par 'gyur ro/ /de bzhin gshegs pas de skad kyi tshig gsungs nas ring por ma lon par de nas de'i mod la sa chen po las seng ldeng gi tshal pa mtho gang tsam byung ngo / /de nas de bzhin
305a₂ gshegs pa la tshe dang ldan pa maud gal gyi bu chen pos bcom ldan 'das bdag gis seng ldeng gi tshal pa 'di 'jig rten gyi khams gzhan du dor ro zhes de skad gsol pa dang / ngas de la maud gal gyi bu khyod kyis mi nus so zhes de skad ces smras so/ /rigs kyi bu de nas gnas brtan maud
305a₃ gal gyi bu chen pos ci nas kyang stong gsum gyi stong chen po'i 'jig rten gyi khams 'di rab tu g.yos par 'gyur ba dang / gyen du 'phags par 'gyur ba de 'dra ba'i shugs kyis seng ldeng gi tshal pa bzung yang seng ldeng gi tshal pa ni skra'i rtse mo'i cha shas tsam yang ma 'phags so/ /de
305a₄ nas de bzhin gshegs pa tshangs pa'i 'jig rten du mngon par 'phags pa dang / seng ldeng gi tshal pa yang tshangs pa'i 'jig rten du mngon par 'phags so/ /de nas de bzhin gshegs pa gdan la bzhugs pa dang / seng ldeng gi tshal pa yang snga mkho bzhin du 'dug go/ /de bzhin du
305a₅ rgya mtsho mching rnam gyi dbus su bzhugs pa dang / seng ldeng gi tshal pa yang de na 'dug go/ /yang de bzhin gshegs pa ri'i phrag tu gshegs pa dang / de na'ang seng ldeng gi tshal pa 'dug go/ /de nas de bzhin gshegs pa gdan la bzhugs pa dang / seng ldeng gi tshal pa yang snga
305a₆ mkho bzhin du 'dug nas de bzhin gshegs pas phyag g.yas pas zhabs g.yas pa bzung ste/ seng ldeng gi tshal pa'i steng du gzhag go/ /de nas nga la tshe dang ldan pa dga' bos 'di skad ces gsol to/ /bcom ldan 'das de bzhin gshegs pas sngon phrin las gang bgyis na de'i rnam
305a₇ par smin pa 'di lags/ ngas de la dga' bo sngon nga rgya mtsho mching rnam chen por song ba na mtshon shag tis tshong pa bsad pa de'i las kyi rnam par smin pa'i lhag ma 'di yin no zhes de skad ces smras so/ /de nas de'i tshe bcom ldan 'das kyis tshigs su bcad pa 'di gsungs so/ /gang du

_{iiif viewer powered by OpenSeadragon}

304b - 305b

Texts on this page