| e-texts navigator |
| བོད་ཡིག |
303b1 shin tu bslabs pa'i sman pa ni nad med cing sems can nad pa rnams kyi mdun du sman tsha ba de dag bzhag nas/ de dag nad las yongs su thar bar byed do/ /rigs kyi bu de bzhin du de bzhin gshegs pa yang sman pa'i rgyal po ste/ nad thams cad yongs su thar cing sgrib pa med
303b2 pa thob nas las 'di'i 'bras bu rnam par smin pa 'di yin no zhes las ston cing ji ltar na sems can las kyis 'jigs shing skrag pa rnams dang / lus dang ngag dang yid yongs su dag par 'gyur zhes ched du nad ston to/ /rigs kyi bu 'di lta ste dper na/ tshong dpon gyi bu byung
303b3 nas ring po ma lon pa de la pha dang mas byin pa'i ma ma yod de/ de ni ma ma de khye'u de'i 'o ma dag par bya ba'i phyir nad med bzhin du tsha ba dang kha ba'i sman de dag ched du 'thung ngo / /rigs kyi bu de bzhin du sems can thams cad kyi pha de bzhin gshegs pa yang las kyi bya ba rab tu ston
303b4 pa'i sems can rnams gzigs nas nad med par gyur bzhin du nga las che ge mo zhig byas pa de'i las kyi rnam par smin pa 'di yin no zhes nad ston cing de dag sems can rnams kyis thos nas skyo ba thob par 'gyur te/ rigs kyi bu de yang thabs mkhas par shes par bya'o/ /
303b5 rigs kyi bu sngon 'das pa'i dus na tshong pa nor 'dod pa'i phyir rgya mtsho mching rnam chen por zhugs pa lnga brgya tsam yod de/ yang de'i tshe na lam grogs de dag gi nang na mi las ngan pa can/ sdig pa'i las can/ mda' dang mtshon la bslabs pa rku ba pha rol gyi nor 'phrog pa tshong
303b6 pa'i tshul du 'dug pa zhig yod de/ shin tu brtul ba'i phyir gru der zhugs par gyur to/ /de nas mi g.yon can de ni bdag gis tshong pa 'di thams cad srog dang phral la nor thams cad khyer te/ 'dzam bu'i gling du 'gro'o snyam du sems par gyur to/ /yang de'i tshe na lam grogs kyi
303b7 gru na 'dug pa de dag gi nang na ded dpon snying rje chen po can zhes bya ba zhig yod do/ /de nas ded dpon snying rje chen po can de gnyid log pa'i rmi lam du gang rgya mtsho mching rnam chen po de na lha 'dug pa dag gis lam grogs kyi gru 'di na mi ming 'di zhes bya ba 'di lta bu slu bar byed pa gzhan
iiif viewer powered by OpenSeadragon
Texts on this page
D261 - 'phags pa thabs mkhas pa zhes bya ba theg pa chen po'i mdo