rKTs

e-texts navigator

Volume

Page

303a₁ pa'i sems can rnams tshangs pa la bsten pa dang bral bar bya ba'i phyir de bzhin gshegs pas tshangs pa bkug ste/ gang gi tshe na tshangs pa chen pos de bzhin gshegs pa la chos kyi 'khor lo bskor bar gsol pa de'i tshe na tshangs pa 'bum phrag drug cu rtsa brgyad kyis de nyid
303a₂ gtso bo'o/ /de nyid mchog go snyam nas bla na med pa yang dag par rdzogs pa'i byang chub tu sems bskyed do/ /rigs kyi bu gang yang de bzhin gshegs pas las kyi rgyud bcu bstan pa de yang thabs mkhas par blta'o/ /dgongs pa'i tshig tu yang shes par bya'o/ /rigs kyi bu byang
303a₃ chub sems dpa' ni dper na mi dge ba'i rtsa ba skra'i rtse mo cha shas tsam dang yang ldan zhing byang chub kyi shing drung du 'gro ba'i skabs med/ de lta bu'i gnas med do/ /rigs kyi bu de bzhin gshegs pa ni chos dkar po thams cad dang ldan zhing mi dge ba'i chos thams cad spangs pas de bzhin
303a₄ gshegs pa la bag chags kyi mtshams sbyor ba spang ba yang med/ las kyi sgrib pas nyes par 'gyur ba de lta bu'i gnas kyang med mod kyi/ sems can las kyi rnam par smin pa rab tu stor ba dag las kyi rnam par smin pa la yid mi ches pas sems can de dag la las kyi rnam par smin
303a₅ pa bstan pa'i phyir de bzhin gshegs pa las kyi rgyud ston te/ chos kyi rje nga nyid la yang las kyi rnam par smin pa 'byung na khyed lta la ci'i phyir smin par mi 'gyur zhes de dag la ston mod kyi/ de bzhin gshegs pa la ni las kyi sgrib pa cung zad kyang med do/ /rigs kyi bu 'di lta ste slob
303a₆ dpon yi ge dang phyag rgya bslabs pas byis pa bstan pa'i phyir byis pa slob tu gzhug pa'i tshul gyis yi ge'i phyi mo klog mod kyi de la mi shes pa yang med/ las kyi sgrib pa yang med de ci nas kyang byis pa dag bdag las thos nas slob par 'gyur bar yi ge phyi mo klog go/ /rigs kyi bu
303a₇ de bzhin du de bzhin gshegs pa ni chos thams cad la las kyi sgrib pa yongs su dag mod kyi/ ci nas kyang sems can gzhan dag las yongs su dag par 'gyur ba de ltar 'chad do/ /de ltar chos ston to/ /rigs kyi bu 'di lta ste nad thams cad shin tu zhi bar bya ba'i phyir

_{iiif viewer powered by OpenSeadragon}

302b - 303b

Texts on this page