rKTs

e-texts navigator

Volume

Page

302b₁ 'dzums par lta zhe na/ gzugs kyi khams na spyod pa'i lha'i bu spyod lam zhi ba de dag gi de bzhin gshegs pa dgra bcom pa skyil mo krung bcas shing bzhugs pa mthong nas cher dga' bar gyur to/ /de dag dga' zhing rab tu mgu ba skyes nas gang bdag cag gis dge sbyong gau ta ma'i sems
302b₂ gang la gnas pa btsal lo/ /snyam du gyur nas de dag gis nyin zhag bdun du brtags kyang sems kyi gnas gcig kyang ma rnyed do/ /de nas lha'i bu sum khri nyis stong gis shin tu bla na med pa yang dag par rdzogs pa'i byang chub tu sems bskyed par gyur te/ bdag cag kyang ma 'ongs pa'i dus na
302b₃ 'di 'dra bar rab tu zhi ba'i spyod lam dang ma bral bar gnas shing de ltar byang chub kyi shing la blta bar bya'o snyam mo/ /rgyu de dang rkyen de'i phyir de bzhin gshegs pa dgra bcom pa yang dag par rdzogs pa'i sangs rgyas rnams byang chub thob nas nyi ma bdun du skyil mo krung ma bshig cing mig ma
302b₄ btsums par shing gi rgyal po la blta'o/ /ci'i phyir de bzhin gshegs pa dgra bcom pa yang dag par rdzogs pa'i sangs rgyas rnams byang chub thob nas sems can grangs med dpag tu med pa dbugs phyung zhing gnyer bar byas nas/ tshangs pas ma gsol bar chos mi 'chad ce na/ 'di
302b₅ la de bzhin gshegs pa 'di snyam du dgongs te/ lha dang mi dag phal cher tshangs pa la sten te/ bdag cag ni tshangs pas sprul pa'o/ /bdag cag ni tshangs pas bskyed pa'o/ /'jig rten na tshangs pa ma gtogs par ston pa gzhan med do snyam du 'dzin pas de la de bzhin gshegs pa 'di
302b₆ snyam du dgongs te/ gang dag tshangs pa dgug go tshangs pa la bstod do/ /tshangs pas phyag 'tshal ba dang / lha dang mi tshangs pa la brten pa thams cad phyag 'tshal bar 'gyur ro/ /chos len par sems par 'gyur ro/ /de bas na gsol nas de bzhin gshegs pa 'chad kyi ma
302b₇ gsol bar ni ma yin no/ /de bzhin gshegs pa'i mthu nyid kyis tshangs pa chos gsol ba'i phyir de bzhin gshegs pa'i drung du song gi /tshangs pa nyid kyis bdag gis de bzhin gshegs pa la chos gsol lo snyam du sems shing yid la byed pa yang med de/ tshangs pa la brten

_{iiif viewer powered by OpenSeadragon}

302a - 303a

Texts on this page