rKTs

e-texts navigator

Volume

Page

302a₁ sdig can de'i dbang du 'gro bar mthong ngo / /de nas byang chub sems dpa' 'di snyam du gyur te/ gang bdag ni de nyid dang 'thab par bya'o/ /de btul na 'dod pa'i khams thams cad btul bar 'gyur ro/ /lha'i 'khor chen po yang btul bar 'gyur ro/ /bdud kyi 'khor
302a₂ dang / gnod sbyin gyi 'khor dang / srin po'i 'khor dang / klu'i 'khor de dag kyang byang chub sems dpa'i rnam par rol pa 'di mthong nas byang chub tu sems bskyed par 'gyur/ dad pa rnyed par 'gyur ro/ /gang chung ngu na thos pa'am/ mthong ba de dag kyang yongs su mya ngan las 'da' ba'i rgyur 'gyur ro snyam
302a₃ mo/ /rigs kyi bu de nas byang chub sems dpa' byang chub kyi shing drung du song bas smin mtshams kyi mdzod spu nas 'od zer phyung ste/ 'od des bdud kyi khang pa thams cad kyang mog mog por byas/ stong gsum gyi stong chen po'i 'jig rten gyi khams thams cad kyang snang bar byas te/ 'od zer de las
302a₄ shAkya'i bu 'di ni shAkya'i rigs las khyim nas mngon par byung ste/ de ni bla na med pa yang dag par rdzogs pa'i byang chub tu mngon par rdzogs par 'tshang rgya'o/ /khyod kyi yul las 'da' bar byed do/ /sems can dpag tu med pa gzhan yang 'byin par byed do/ /bdud kyi g.yog med par
302a₅ 'gyur gyis song la de dang thab mo khye shig ces de skad zer ba'i sgra byung ba dang / rigs kyi bu de ltar thos ma thag tu mya ngan gyi zug rngu chen pos btab par gyur nas de'i tshe dpung gi tshogs yan lag bzhi pa bshams te dpag tshad sum cur bdud kyi sdes gang bar byas nas byang chub kyi shing drung du song ba dang de'i
302a₆ phyir byang chub sems dpa' sems dpa' chen pos byams pa chen po la gnas shing rin po che'i bsod nams las skyes pa'i phyag gis bdud kyi sde pham par byas nas/ lha dang klu dang gnod sbyin dang dri za dang mi 'am ci dang lto 'phye chen po bye ba phrag brgyad cu rtsa bzhi bla na med pa yang dag par rdzogs
302a₇ pa'i byang chub tu sems skyes par gyur te/ de yang byang chub sems dpa'i thabs mkhas par blta'o/ /ci'i phyir na de bzhin gshegs pa dgra bcom pa yang dag par rdzogs pa'i sangs rgyas byang chub thob nas nyi ma bdun du skyil mo krung ma bshig cing shing gi rgyal po la mig mi

_{iiif viewer powered by OpenSeadragon}

301b - 302b

Texts on this page