rKTs

e-texts navigator

Volume

Page

301b₁ phyir na byang chub sems dpa' lus rid bzhin du byang chub kyi shing drung du mi 'gro bar zas zos la stobs dang mthu bskyed de 'gro zhe na/ byang chub sems dpa' ni zas med par lus rid pas byang chub mngon par rdzogs par 'tshang rgya bar nus mod kyi/ byang chub sems dpas phyi ma'i skye bo dag la snying
301b₂ brtse ba'i phyir zas zos te sems can mi mkhas pa dag zas med par ye shes tshol bar mi 'gyur bar byed de/ de dag bkres pas nyen na ye shes bsgrub mi nus so/ /de ci'i phyir zhe na/ bde bar gyur pa rnams ni chos mngon par smra'i/ sdug bsngal ba rnams ma yin te/ ci nas kyang nga'i
301b₃ rjes su slob cing sems can de dag bde bar bstan pa'i phyir byang chub sems dpa' sems dpa' chen pos zas zos so/ /grong gi bu mo byang chub kyi phyogs yongs su rdzogs par bya ba'i phyir yang byang chub sems dpas de'i zas zos te byang chub thob mod kyi byang chub sems dpa' ni ting nge 'dzin
301b₄ gcig gis bskal pa stong du 'dug nus so/ /ci'i phyir na byang chub sems dpa' rtswa dag tshol zhe na/ sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyang rtswa'i gding ba la dgyes kyi stan la dgyes par mi mdzad pas chog shes par bya ba dang / rtswa thun bkra shis
301b₅ ldan byang chub kyi phyogs yongs su rdzogs par bya ba'i phyir te/ de'i phyir byang chub sems dpa' la rtswa phul bas rigs kyi bu de ni ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas rnam par snang mdzad ces bya bar 'gyur bar ngas de la lung bstan to/ /ci'i
301b₆ phyir na byang chub sems dpas byang chub kyi shing drung du 'dug nas myur du bla na med pa yang dag par rdzogs pa'i byang chub tu mngon par rdzogs par 'tshang mi rgya bar bdud la sdod ce na/ rigs kyi bu bdud sdig can ni byang chub sems dpas skabs ma phye ma bskul bar 'ong ba'i gnas dang skabs med de/ de lta
301b₇ bu'i gnas med kyang rigs kyi bu byang chub sems dpa' sems dpa' chen po byang chub kyi shing drung du 'dug nas stong gsum gyi stong chen po'i 'jig rten gyi khams 'di na dbang dang ldan pa gang yin/ sems can 'di dag su'i dbang du 'gro zhes de snyam du bsams pa dang / sems can 'di dag bdud

_{iiif viewer powered by OpenSeadragon}

301a - 302a

Texts on this page