rKTs

e-texts navigator

Volume

Page

301a₁ yang byang chub sems dpa'i thabs mkhas par shes par bya'o/ /byang chub sems dpa' lnga po de dag kyang smin par bya dgos la/ las kyi rnam par smin pa'ang bstan dgos pas las de'i phyir ngas dka' ba spyod pa spyad de/ sems can gzhan dag mi shes pas tshul khrims
301a₂ dang ldan pa'i dge sbyong dang / bram ze dag mthong nas tshig tu smra bar mi 'gyur ba dang / shes sam mi shes kyang rung ste/ smras na de'i phyir de dag yun ring por gnod pa dang / mi phan pa dang / mi bde ba dang / sdug bsngal ba dang / ltung bar 'gyur ro zhes sems can de dag gi las kyi bya ba yang bstan
301a₃ pa'i phyir de bzhin gshegs pa de ltar las ston mod kyi/ byang chub sems dpa' la las kyi sgrib pa ni gang yang med do/ /yang tshul khrims dang ldan pa gang dag gis tshig rtsub po smras nas bdag cag ni rnam par grol ba'i skal ba med do snyam ste 'gyod pa la gnas shing phyin cad mi brtson pa'i
301a₄ sems can de dag gi the tsom bsal ba'i phyir byang chub sems dpa' sems dpa' chen po skye ba gcig gis thogs pas de skad kyi tshig smras na/ de yang rnam par grol ba'i phyir skal ba yod na bdag cag mi shes pa lta ci smos zhes de dag nyes pa de 'chags shing gzhan dag kyang mi byed pa'i
301a₅ phyir de skad kyi tshig smras so/ /yang rigs kyi bu mu stegs can rnams 'dul ba'i phyir ngas lo drug tu dka' ba spyad kyi/ sgrib pa'i phyir ni ma yin no/ /dge sbyong dang bram ze dag til dang / rgya shug dang 'bras kyi 'brum bu re re za bas lo drug 'das par byas te de yang 'phags pa'i lam ma thob na
301a₆ zas ngan pas rnam par dag par mi 'gyur te/ rgyu de dang rkyen de'i phyir byang chub sems dpa' sems dpa' chen pos mgo reg la yang byang chub ga la yod/ byang chub ni shin tu dkon no zhes de skad kyi tshig smras te/ las kyi bya ba de la dmigs shing lo drug tu dka' ba spyod pa spyad de byang chub sems dpas
301a₇ lo drug gis dman pa la dad pa'i lha dang phyi rol gyi drang srong 'bum phrag lnga bcu rtsa gnyis kyis ye shes rtogs pa'i don byas par gyur to/ /de dag kyang dman pa la spyod pas yongs su smin par byas te/ rigs kyi bu de yang byang chub sems dpa'i thabs mkhas par shes par bya'o/ /ci'i

_{iiif viewer powered by OpenSeadragon}

300b - 301b

Texts on this page