rKTs

e-texts navigator

Volume

Page

300b₁ chub ni shin tu dkon pa'o zhes de skad kyi tshig smras so/ /de nas khye'u skar ma skyong dang / ne'u ldangs lnga po de dag dang lhan cig tu chu 'gram zhig na gnas pa dang / de nas sangs rgyas kyi mthus rigs kyi bu lnga po de dag kun gdul ba'i dbang du bya ba'i phyir rdza mkhan rdze'u byed pas skar ma skyong mi 'gro ba
300b₂ dang skra nas bzung ste/ yang dag par rdzogs pa'i sangs rgyas 'od srung ga la ba der song ste/ gzhon nu lnga po de dag gis kyang rdza mkhan rdze'u byed pa de la shugs ma byed bzhin du yang dag par rdzogs pa'i sangs rgyas 'od srung ga la ba der phyin nas/ de bzhin gshegs pa dgra bcom pa yang
300b₃ dag par rdzogs pa'i sangs rgyas 'od srung mthong ma thag tu sngon gyi dge ba'i rtsa ba'i rgyun gyis dad pa rnyed do/ /de dag dad pa rnyed nas khye'u skar ma skyong la 'di 'dra ba'i ston pa bzhugs nas thog mar mi sbran par zhes gshe bar gyur to/ /de nas bram ze'i bu shing sA la chen po lta bu lnga po de dag
300b₄ gis de bzhin gshegs pa dgra bcom pa yang dag par rdzogs pa'i sangs rgyas 'od srung gi dpal dang / gzi brjid dang / spobs pa mthong nas/ bla na med pa yang dag par rdzogs pa'i byang chub tu sems bskyed do/ /de nas de bzhin gshegs pa dgra bcom pa yang dag par rdzogs
300b₅ pa'i sangs rgyas 'od srung gis ci nas kyang rigs kyi bu lnga po de dag gis mi skye ba'i chos la bzod pa thob par 'gyur ba de lta de ltar byang chub sems dpa'i sde snod phyir mi ldog pa'i 'khor lo'i chos kyi rnam grangs bshad do/ /rigs kyi bu de 'di lta ste/ nga ni sangs rgyas kyi ye shes kyis lung
300b₆ bstan to/ /rigs kyi bu gal te khye'u skar ma skyong gis de bzhin gshegs pa 'od srung gi bsngags pa brjod du zin na rigs kyi bu lnga po de dag de bzhin gshegs pa dgra bcom pa yang dag par rdzogs pa'i sangs rgyas 'od srung gi drung du 'gro ba'i gnas dang skabs med de/ rigs kyi bu 'di
300b₇ lta ste/ byang chub sems dpa' ni sangs rgyas dang / byang chub la the tsom med mod kyi/ byang chub sems dpa' lnga po de dag yongs su smin par bya ba'i phyir shes rab kyi pha rol tu phyin pa dang rgyu 'thun pas mgo reg la byang chub ga la yod/ byang chub ni dkon no zhes de skad kyi tshig smras te/ de

_{iiif viewer powered by OpenSeadragon}

300a - 301a

Texts on this page