rKTs

e-texts navigator

Volume

Page

300a₁ bu lnga po de dag snod du gyur par rtogs nas mgo reg la byang chub ga la yod/ byang chub ni shin tu dkon na de mthong ste/ ci rung zhes mu stegs can de dag gi drung du tshig de skad smras so/ /khye'u skar ma skyong gis mu stegs can de dag gi drung du mgo reg la byang chub ga la yod/ byang chub ni
300a₂ shin tu dkon pa'o zhes tshig de skad smras pas rigs kyi bu lnga po de dag rim gyis yongs su smin par byas par gyur to/ /'di lta ste rigs kyi bu khye'u skar ma skyong ne'u ldangs lnga po de dag dang / sa'i phyogs gzhan zhig na 'dug par gyur pa'i dus kyi tshe yod do/ /de nas rdza mkhan rdze'u byed pa zhig sa'i
300a₃ phyogs de ga la ba der song nas de bzhin gshegs pa dgra bcom pa yang dag par rdzogs pa'i sangs rgyas 'od srung gi bsngags pa brjod cing khye'u skar ma skyong la tshur shog / de bzhin gshegs pa dgra bcom pa yang dag par rdzogs pa'i sangs rgyas 'od srung gi drung du 'dong ngo zhes de skad ces smras pa
300a₄ dang / de nas khye'u skar ma skyong 'di snyam du gyur to/ /kye ma'o sems can 'di dag ni dge ba'i rtsa ba yongs su smin na gang bdag gis de bzhin gshegs pa dgra bcom pa yang dag par rdzogs pa'i sangs rgyas 'od srung gi bsngags pa brjod la mu stegs can gyi ni mi bsngags pa brjod pa dang / rigs
300a₅ kyi bu de dag dogs shing 'ong du mi btub par 'gyur ro snyam nas khye'u skar ma skyong gis thog ma'i yi dam de nyid srung shing shes rab kyi pha rol tu phyin pa'i ye shes dang rgyu 'thun pa'i thabs mkhas pas mgo reg la byang chub ga la yod/ byang chub ni shin tu dkon pa'o zhes de skad kyi tshig smras so/ /
300a₆ ji ltar na shes rab kyi pha rol tu phyin pa'i ye shes dang rgyu 'thun pa yin zhe na/ byang chub sems dpa' shes rab kyi pha rol tu phyin pa la spyod pa ni byang chub tu 'du shes par mi 'gyur/ sangs rgyas su 'du shes pa med/ sangs rgyas kyi ye shes su 'du shes pa med/ byang chub sems dpar yang
300a₇ mi mthong byang chub nang du yang mi mthong / byang chub phyi logs su yang mi mthong / byang chub nang dang phyi logs su'ang mi mthong ste/ byang chub ni shin tu stong ngo snyam du sems shing khye'u skar ma skyong des chos thams cad ma dmigs nas thabs mkhas pas mgo reg la byang chub ga la yod/ byang

_{iiif viewer powered by OpenSeadragon}

299b - 300b

Texts on this page