| e-texts navigator |
| བོད་ཡིག |
29b1 'dis dge ba spyod pa nyams par byed de rgyu des na mig ces bya'o/ /'dis dge slong gi dngos po las nyams par byed pas na mig ces bya'o/ /shA ri'i bu mig ni mi rtag pa/ mi brtan pa/ ther zug ma yin pa ste/ rgyu des na mig ces bya bar shes par bya'o/ /shA ri'i bu
29b2 dge slong mkhas pa/ mang du thos pa/ zhum pa med pa rnams kyis ni mig bud med ma yin/ skyes pa ma yin/ sems can ma yin/ srog ma yin/ gso ba ma yin/ gang zag ma yin pa dang / shA ri'i bu de bzhin du sbyar te/ rna ba dang / sna dang / lce dang / lus dang / yid
29b3 ni bud med ma yin/ skyes pa ma yin/ sems can ma yin/ srog ma yin/ gso ba ma yin/ gang zag ma yin te/ de dag ni phung po lnga la phyin ci log pa las byung ba'o/ /shA ri'i bu dge sbyong ngam/ bram ze gang dag kha cig 'dod pa rnams kyi nyes dmigs yang dag
29b4 pa ji lta ba de bzhin du rab tu mi shes pa de dag ni 'dod chags kyi yongs su gdung bas gdung bar 'gyur la/ kha dog ngan cing skya skya bor 'gyur ro/ /shA ri'i bu 'di lta ste dper na shing ljon pa chen po'i lo ma'am/ ljon pa'i 'bras bu smin pa 'brul ba'i tshe skya bor 'gyur ro/ /
29b5 shA ri'i bu de bzhin du dge slong ngam/ dge slong ma'am/ dge bsnyen nam/ dge bsnyen ma gang dag kha cig 'dod pa rnams kyi nyes dmigs yang dag pa ji lta ba bzhin du rab tu mi shes pa de dag ni 'dod chags kyi yongs su gdung bas gdungs par 'gyur/ kha dog ngan par
29b6 'gyur/ bsam pa mi gsal bar 'gyur/ kha dog ngan cing blta na mi sdug par 'gyur ro/ /shA ri'i bu dge slong gang dag gsar bu dar la bab pa gzhon nu rab tu byung nas ring po ma lon pa de dag ni 'dod pa rnams dngos po med do zhes 'dod pa rnams yang dag pa ji lta ba bzhin du rab tu shes so/ /'dod
29b7 pa'i rtog pa skyes na yang myur ba nyid du rab tu zhi bar byed de/ de dag mi dge ba yin par shes par yang byed do/ /shA ri'i bu de ltar na dge slong dag gis 'dod pa rnams kyi nyes dmigs mthong nas 'dod pa de dag las yid 'byung bar byed 'dod chags dang bral bar byed de/ mngon par dga' nas tshangs par spyad pa spyod de/
iiif viewer powered by OpenSeadragon
Texts on this page
D245 - 'phags pa chos kyi phung po zhes bya ba theg pa chen po'i mdo