| e-texts navigator |
| བོད་ཡིག |
29a1 la kun tu rtog par byed pa ni bdag gis reg go zhes nyams su myong bar byed de/ bu ga dgu'i sgo dang ldan pa 'di mi gtsang ba 'dzag pa 'di la gtsang bar 'du shes skyed par byed do/ /'di dag thams cad ni bya ba ma yin pa ste/ de dag ni skyes bu dam pa'i las
29a2 rnams ma yin no/ /shA ri'i bu dge sbyong ngam/ bram ze gang la la dag 'dod pa'i nyes dmigs yang dag pa ji lta ba bzhin du mi shes pa de dag ni bud med la kun tu rtog cing mig la mtshan mar 'dzin par byed de/ bai dUr+ya lta bu'i 'du shes su byed la chu'i dbu ba bzhin du 'du shes
29a3 su ni mi byed do/ /shA ri'i bu 'di lta ste dper na bong mo 'brangs pa dang / phag mo 'brangs pa ni 'brangs pas lus stongs par 'gyur zhing lus las sha ma mi gtsang ba btsog pa blta bar bya ba ma yin pa 'byung ngo / /shA ri'i bu mig kyang de dang 'dra bar brjod de/ 'di lta ste dper na
29a4 bong mo'i sha ma'am/ phag mo'am/ khyi mo'i sha ma dang 'dra bar mig kyang de bzhin 'dug ste/ mig gi 'bras bu'i nang de ni chu'i chu bur lta bur 'dug go/ /de ltar mi gtsang ba 'byung zhing de ltar mi 'thun pa ste/ rnag dang khrag rab tu 'dzag cing mi gtsang ba rab tu 'dzag go/ /
29a5 shA ri'i bu mi gtsang ba rnag dang khrag rab tu 'dzag cing chu'i snying po 'dzag pa'i lus la chags pa gang yin pa de lta bu ni mig ces brjod do/ /shA ri'i bu 'di la rgyu gang gis mig ces bya ba de'i rgyu ni gang rkyen ni gang zhe na/ de ni lus kyi gtso bo yin te/ gzugs la blta bas thog
29a6 ma dang / dbus dang / mthar ngoms pa med la lus kyis mi dge ba rgya mtsho snyed byed de/ rgyu des na mig ces bya'o/ /shA ri'i bu 'di la gang gis na de mig ces bya ba'i rgyu ni gang rkyen ni gang zhe na/ mi 'thun pa'i phyir ro/ /shA ri'i bu mig gi mi 'thun pa de gang zhe na/ gang gzugs
29a7 med pa la gzugs su 'du shes pa dang / tshor ba med pa la tshor bar 'du shes pa dang / 'du shes med pa dang / 'du byed rnams med pa dang / rnam par shes pa med pa la rnam par shes par 'du shes pa'o/ /yang 'di la rgyu gang gis de mig ces bya ba'i rgyu ni gang rkyen ni gang zhe na/
iiif viewer powered by OpenSeadragon
Texts on this page
D245 - 'phags pa chos kyi phung po zhes bya ba theg pa chen po'i mdo