| e-texts navigator |
| བོད་ཡིག |
299b1 nam/ mi 'am ci gang yang byang chub sems dpa'i dpal dang / gzi brjid zil gyis mnan te skra gcod nus pa su yang med cing rgyal po zas gtsang ma des thos na yang ji ltar byang chub sems dpa' nyid kyis skra bcad par mthong nas khro bar mi 'gyur zhing sus nga'i bu'i skra bcad ces de la bsad pa'am/
299b2 chad par mi 'gyur bar bya ba'i phyir ro/ /ci'i phyir na rta dang rgyan rnams bran tsa ta ka'i lag tu byin ce na/ chog shes pa dang / byang chub sems dpa' gser dngul mi 'dod cing dngos po thams cad la mi lta bar rab tu 'byung bar bstan pa'i phyir ro/ /yang byang chub sems dpas skye bo phyi ma dag
299b3 bslab dgos te/ bstan pa 'di la gang rab tu byung ba de dag nga'i rjes su slob cing dngos po thams cad la mi lta bar 'phags pa'i rigs bzhi la gnas nas rab tu 'byung bar 'gyur gyi/ thog ma nyid nas rab tu 'byung ba'i 'tsho ba'i phyir rab tu 'byung bar mi 'gyur bar bya ba'i phyir ro/ /yang rigs
299b4 kyi bu ci'i phyir na byang chub sems dpas lo drug tu dka' ba spyad pa nyon cig / byang chub sems dpa' ni las kyis bsgribs pa'i nyes pas dka' ba spyod pa spyad pa ma yin gyi/ byang chub sems dpa' thabs mkhas pas ni nges par sems can rnams la las kyi bya ba bstan dgos te/ rigs kyi bu
299b5 byang chub sems dpas de bzhin gshegs pa dgra bcom pa yang dag par rdzogs pa'i sangs rgyas 'od srung gi gsung rab la mgo reg la byang chub ga la yod ces smras pa de yang byang chub sems dpa'i thabs mkhas par blta'o/ /dgongs pa'i tshig tu blta'o/ /byang chub sems dpas ji ltar
299b6 dgongs te/ tshig de skad smras zhe na/ rigs kyi bu 'di lta ste/ de'i tshe de'i dus na khye'u skar ma skyong gi ne'u ldangs bram ze'i bu shing sA la chen po lta bu byang chub sems dpa'i theg pa la gnas pa lnga yod de/ de dag sdig pa'i grogs po'i dbang gis byang chub kyi sems brjed par gyur nas rigs kyi bu lnga
299b7 po de dag ni sangs rgyas kyi brtul zhugs can ma yin te/ mu stegs kyi brtul zhugs ldan pa/ mu stegs kyi gsang sngags la brtson pas bdag cag gi yang byang chub yod do/ /bdag cag kyang sangs rgyas so zhes bdag nyid ston par 'dzin to/ /de nas khye'u skar ma skyong gis rigs kyi
iiif viewer powered by OpenSeadragon
Texts on this page
D261 - 'phags pa thabs mkhas pa zhes bya ba theg pa chen po'i mdo