| e-texts navigator |
| བོད་ཡིག |
297b1 du gyur pa de dag bdag cag gtso bo yin gyi/ 'di ni ma yin no snyam du sems shing de dag byang chub sems dpa' la 'dud par mi byed/ yang dag par 'dud par mi byed pas de'i phyir byang chub sems dpa' sems dpa' chen po 'di snyam du sems te/ tshangs pa dang lha 'di dag
297b2 yun ring por phan pa med par 'gyur du 'ong ngo zhes de'i phyir byang chub sems dpas 'jig rten na nga mchog go nga mchog go skye ba dang rga ba dang 'chi ba mthar 'byin to zhes smra zhing sgra des kyang stong gsum gyi stong chen po'i 'jig rten gyi khams su bsgo ba dang / gang byang chub sems dpa'
297b3 ma lhags pa de dag kyang / sgra des lhags par gyur nas/ de'i tshe tshangs pa de dag dang lha'i bu de dag byang chub sems dpa' la thal mo sbyar nas btud par gyur to/ /rgyu de dang rkyen de'i phyir byang chub sems dpa' 'jig rten na nga mchog go/ /nga mchog go skye ba dang rga ba dang 'chi ba mthar
297b4 phyin to zhes de skad kyi tshig smra'o/ /ci'i phyir na byang chub sems dpa' gad mo cher dgod ce na/ byang chub sems dpa' ni g.yem pa'i dgod pa'am cher dgod pa med mod kyi/ byang chub sems dpa' ni 'di snyam du sems te/ sems can 'di dag ni 'di nyid du nga dang lhan
297b5 cig tu byang chub tu sems bskyed na/ ngas byang chub thob kyang 'di dag le lor gyur pas da dung 'khor ba stug por las te/ kye ma'o sems can 'di dag ni thams cad mkhyen par 'gyur ba'i thar pa'i lam la brtson 'grus mi rtsom ste/ de dag da ltar bdag la phyag 'tshal na/
297b6 de dag ji ltar na thams cad mkhyen pa nyid la brtson 'grus rtsom par 'gyur zhes snying rje chen po bskyed nas dman pa dang / bag med pa'i sems can dang / bdag gis bsam pa yongs su rdzogs par shes nas/ byang chub sems dpa' gad mo cher dgod do/ /ci'i phyir na/
297b7 byang chub sems dpa' dri ma med bzhin du khrus byed ce na/ brgya byin dang tshangs pas mchod pa'i las byas pa'i phyir te/ byang chub sems dpa' ni nges par 'jig rten shes pa'i rjes su 'jug par bya dgos so/ /skye ba mthong nas byang chub sems dpa' dri ma med kyang nges par khrus bya'o// //
iiif viewer powered by OpenSeadragon
Texts on this page
D261 - 'phags pa thabs mkhas pa zhes bya ba theg pa chen po'i mdo