| e-texts navigator |
| བོད་ཡིག |
297a1 bzhin du sdug bsngal ba'i tshor bas byang chub sems dpa' bskyed do snyam du de ltar sems pa'i sems can de dag la bde bar bstan pa'i phyir/ byang chub sems dpa'i mas shing blag sha'i yal ga la 'jus nas sha 'chus su byas te byang chub sems dpa' bskyed
297a2 do/ /ci'i phyir na byang chub sems dpa' skye gnas dang / lus kyi phyogs gzhan nas mi 'byung bar ma'i mngal brtol te dran bzhin du shes bzhin du mngal gyi lam nas byung zhe na/ byang chub sems dpa' ni gtsang mar spyod la 'jig rten gsum po thams cad kyi
297a3 mchog yin pas/ de skye gnas la'ang mi gnas shing skye ba bstan dgos la/ sems can tha ma gzhan dag dang yang mi 'dra ste/ de bas na byang chub sems dpa' ma'i dku brtol nas mngal gyi mal nas 'byung zhing skyes ma thag tu de'i tshe na glo la rma yang med do/ /ci'i phyir
297a4 na byang chub sems dpa' skyes ma thag tu brgya byin lha'i dbang pos blangs kyi mir gyur pa gzhan dag gis ma yin zhe na/ byang chub sems dpa'i dge ba'i rtsa ba shin tu 'bar ba dang byang chub sems dpa' skyes ma thag tu de ltar brgya byin lha'i dbang pos blangs par shog shig
297a5 ces smon lam btab pa'i phyir ro/ /ci'i phyir na byang chub sems dpa' skyes ma thag tu ma blangs par gom pa bdun bor gyi/ drug dang / brgyad ma yin zhe na/ rdzu 'phrul dang / rnam par 'phrul pa dang / skyes bu dam par sngon sus kyang ma bstan
297a6 pa bstan dgos la sems can gang dag gi don du gom pa bdun bor te bya ba de gom pa drug gis kyang mi nus la/ gom pa brgyad bor na yang lhag par 'gyur bas de'i phyir byang chub sems dpa' skyes ma thag tu ma blangs par gom pa bdun 'dor gyi/ drug dang
297a7 brgyad ma yin no/ /ci'i phyir na byang chub sems dpa' gom pa bdun bor nas nga ni 'jig rten na gtso bo yin te/ skye ba dang / rga ba dang / 'chi ba mthar bya'o zhes pa tshig tu smra zhe na/ 'khor de na tshangs pa dang lha mthu che ba dag lhags shing 'khod de nga rgyal can
iiif viewer powered by OpenSeadragon
Texts on this page
D261 - 'phags pa thabs mkhas pa zhes bya ba theg pa chen po'i mdo