rKTs

e-texts navigator

Volume

Page

296b₁ dkar por bsgyur te ma'i mngal du 'jug par ston ce na/ dkar po'i phyogs yin pa'i tha tshig ste/ byang chub sems dpa' sems can thams cad dang / khyad zhugs pas de'i phyir ci nas kyang lha dang yang mi 'dra/ mi dang yang mi 'dra bar de ltar 'jug pa bstan par bya dgos te/
296b₂ de yang byang chub sems dpa'i thabs mkhas par shes par bya'o/ /ci'i phyir na byang chub sems dpa' ma'i mngal na zla ba dgur mi gnas par zla ba bcur gnas she na sems can kha cig kye ma'o 'di ni mngal na gnas pa'i dus ma tshang bas dbang po nyams pa zhig byung ngo / /
296b₃ zhes de ltar sems pa'i phyir mngal na dbang po yongs su rdzogs par ston pas zla ba bcur gnas kyi dgur ma yin te/ de yang byang chub sems dpa'i thabs mkhas par shes par bya'o/ /ci'i phyir na/ byang chub sems dpa' grong dang grong khyer du ma skyes kyi dgon
296b₄ par skyes she na/ byang chub sems dpa' ni yun ring po nas dgon pa shin tu dgon pa'i bsngags pa rjod par byed la dben pa na gnas shing gtsang mar spyod pa dang / khyim gyi nang du song bar gyur na/ lha dang klu dang / gnod sbyin rnams kyis lha'i dri dang / phye ma dang / me
296b₅ tog dag gis rgyun ma chad par mchod pa byed mi nus pa dang / grong khyer ser skya'i sems can dag rab tu dga' bar gyur pas rgyu dang rkyen de'i phyir byang chub sems dpa' dgon par skyes so/ /ci'i phyir na byang chub sems dpa' ma'i dku brtol te mngal gyi mal du zhugs
296b₆ she na/ sems can gang dag byang chub sems dpa' ni pha ma'i mer mer po las gyur pa yin gyi/ rdzus te skyes pa ma yin no snyam du sems pa'i sems can de dag gi the tshom bcad pa'i phyir byang chub sems dpa' ma'i dku brtol te zhugs so/ /zhugs nas kyang rma dang bu
296b₇ gar ma gyur la yum sgyu ma yang de'i tshe bde ba myong ba lta bu sngon ma myong ngo / /ci'i phyir na byang chub sems dpa'i ma shing blag sha'i yal ga la 'jus te/ sha 'chus su byas nas byang chub sems dpa' skyes she na/ sems can gang dag lha mo sgyu ma ni bud med gzhan

_{iiif viewer powered by OpenSeadragon}

296a - 297a

Texts on this page