rKTs

e-texts navigator

Volume

Page

296a₁ yang bskor bar 'gyur na/ gang 'dzam bu'i gling gi mi de dag chos nyan pa'i phyir lha'i khang par 'gro mi nus nas byang chub sems dpa' 'di snyam du sems te/ lha dag ni chos nyan pa'i phyir 'dzam bu'i gling du 'bab nus kyi/ 'dzam bu'i gling gi mi rnams ni chos nyan
296a₂ pa'i phyir lha'i khang par 'gro mi nus so snyam nas de'i phyir byang chub sems dpa' 'dzam bu'i gling du byang chub tu mngon par rdzogs par 'tshang rgya ste/ de yang byang chub sems dpa'i thabs mkhas par blta'o/ /byang chub sems dpa' ni 'dod na dga' ldan gyi gnas nas shi 'phos
296a₃ te/ ma'i mngal gyi khyim du ma zhugs par de'i mod nyid la byang chub mngon par rdzogs par 'tshang rgya bar 'gyur na de la sems can kha cig the tshom skye bar 'gyur te/ 'di lha'am dri za'am sprul pa zhig gam/ 'di ga las 'ongs pa zhig ces de dag the tshom du gyur nas chos nyan par
296a₄ mi 'gyur bas rgyu de dang rkyen de'i phyir byang chub sems dpa' mngal du gnas par ston te/ de yang byang chub sems dpa'i thabs mkhas par shes par bya'o/ /rigs kyi bu yang byang chub sems dpa' ni mngal gyi mal du zhugs so snyam du khyod de ltar ma lta zhig /byang chub sems dpa' ni
296a₅ mngal gyi mal du zhugs pa med do/ /de ci'i phyir zhe na/ byang chub sems dpa' ni byang chub sems dpa'i ting nge 'dzin dri ma med pa zhes bya ba de la snyoms par zhugs nas ma song bzhin du byang chub kyi snying po la 'dug ste/ dga' ldan gnas kyi lha rnams kyang byang chub sems dpa' shi
296a₆ 'phos so snyam du 'dzin cing de na de mi mthong mod kyi/ byang chub sems dpa' sems dpa' chen po dga' ldan gyi gnas nas kyang mi g.yo la sprul pas bya ba thams cad dang / mngal du 'jug pa dang / skye ba dang / mngon par 'byung ba dang / dka' bar spyod pa thams cad ston te/ de thams
296a₇ cad ni byang chub sems dpa'i sprul pa yin no/ /de ci'i phyir zhe na/ byang chub sems dpa' ni gtsang mar spyod pas slar yang mngal gyi mal du mi 'jug ste/ de yang byang chub sems dpa'i thabs mkhas par shes par bya'o/ /de ci'i phyir zhe na/ byang chub sems dpa' ban glang gi bu

_{iiif viewer powered by OpenSeadragon}

295b - 296b

Texts on this page