rKTs

e-texts navigator

Volume

Page

293b₁ srung chen pos 'di skad ces gsol to/ /bcom ldan 'das ngo mtshar to/ /bde bar gshegs pa rab tu ngo mtshar to/ /byang chub sems dpa' sems dpa' chen po rnams ni zhi ba'i ting nge 'dzin la gnas kyang sems can rnams la snying brtse ba'i slad du
293b₂ slar yang 'dod pa'i khams su yang gda'o/ /stong pa nyid dang / mtshan ma med pa dang / smon pa med pa la gnas shing nyan thos dang rang sangs rgyas kyi chos rnams la yang ma reg la thams cad mkhyen pa'i sems la yang 'bab par bgyid do/ /bcom
293b₃ ldan 'das byang chub sems dpa' sems dpa' chen po ni bsam gyis mi khyab pa'i thabs mkhas pa la gnas la de ni 'di lta ste/ chags par 'gyur ba'i gzugs dang / sgra dang / dri dang / ro dang / reg bya thams cad la spyod kyang de dag la chags par mi
293b₄ bgyid do/ /byang chub sems dpa' sems dpa' chen po rnams las brtsams te/ dpe cig gsol bar bcom ldan 'das bdag spobs so/ /bde bar gshegs pa bdag spobs so/ /bka' stsal pa/ 'od srung khyod spobs par gyis shig /
293b₅ bcom ldan 'das 'di lta ste/ dper na 'brog dgon pa zhig mchis la/ 'brog dgon pa de na brtsig pas 'khor ba'i rtse mo'i bar du phyin pa zhig kyang mchis par gyur/ dgon pa de na chab sgo yang gcig pu zhig mchis par gyur/ 'brog dgon pa de na srog chags
293b₆ brgya stong du ma yang mchis par gyur/ 'brog dgon pa de nas shin tu rgyang mi ring ba zhig na grong khyer zhig kyang mchis la 'byor pa dang / bde ba dang lo legs pa dang mi'i skye bos gang bar gyur/ gang dag grong khyer der mchis pa de dag kyang rga ba dang 'chi bar mi 'gyur la/
293b₇ grong khyer chen po de'i shul ni mtho gang tsam du gyur la/ de na g.yas g.yon du g.yang sa khru 'bum mchis par gyur cing / 'brog dgon pa de'i dbus na sems can mkhas pa/ zhi ba pa yid gzhungs pa don 'tshal ba/ phan par 'tshal ba/ 'byor pa dang

_{iiif viewer powered by OpenSeadragon}

293a - 294a

Texts on this page