| e-texts navigator |
| བོད་ཡིག |
293a1 lus spangs skyes par gyur pa ni/ /gcig dang gnyis dang gsum ni ma yin gyi/ /bye ba khrag khrig stong phrag mang po ste/ /rtsi yi rgyal po grags pa chen po yi/ /byang chub de la zhe sdang su zhig skyed/ /nyon mongs las kyang bde ba sbyin byed na/ /
293a2 de la bkur sti byed pa smos ci dgos/ /de nas bcom ldan 'das la tshe dang ldan pa dga' bos 'di skad ces gsol to/ /bcom ldan 'das 'di lta ste dper na/ ri'i rgyal po ri rab lhun po'i drung du gang sems dad kyang rung / sems
293a3 zhe sdang yang rung / sems chags pa yang rung / chos la bar chad bgyid pa'i sems kyang rung ste/ mchi na de thams cad kha dog gcig tu 'gyur ba ni 'di lta ste/ gser gyi kha dog go/ /bcom ldan 'das de bzhin du gang su yang rung / byang chub sems dpa'i drung du sems dad dam/
293a4 sems zhe sdang ngam/ sems chags pa'am/ chos la bar chad bgyid pa'i sems kyang rung ste/ mchi na de dag thams cad kha dog gcig tu 'gyur ba ni 'di lta ste/ thams cad mkhyen pa nyid kyi sems kyi kha dog go/ /bcom ldan 'das bdag ni de
293a5 ring phan chad byang chub sems dpa' rnams la ri rab lhun po dang 'dra bar 'dzin to/ /bcom ldan 'das 'di lta ste dper na sman gyi rnam pa blta na bzang ba la sems can su yang rung ste/ nad rnam pa sna tshogs kyi nyon mongs pa rnams kyis bltas na nad de dag thams
293a6 cad rab tu zhi bar 'gyur ro/ /bcom ldan 'das de bzhin du gang su yang rung ste/ sems dad pa'am/ sems zhe sdang ba'am/ sems chags pas byang chub sems dpa' la bltas na de dag thams cad kyi 'dod chags dang / zhe sdang dang gti mug gi
293a7 nad rnams rab tu zhi bar 'gyur ro/ /de nas bcom ldan 'das kyis tshe dang ldan pa dga' bo la legs so zhes bya ba byin nas/ dga' bo de de bzhin no dga' bo ji skad smras pa de bzhin no zhes gsungs so/ /de nas bcom ldan 'das la tshe dang ldan pa 'od
iiif viewer powered by OpenSeadragon
Texts on this page
D261 - 'phags pa thabs mkhas pa zhes bya ba theg pa chen po'i mdo