| e-texts navigator |
| བོད་ཡིག |
288b1 khye'u skar ma zhes bya ba de gzhan yin snyam du de ltar ma lta zhig / de ci'i phyir zhe na/ de'i tshe de'i dus na nga ni khye'u skar mar gyur to/ /grags 'dzin ma ni chu chun du gyur to/ /rigs kyi bu nga 'dod pa ngan pa dang ldan pa'i snying rje chen po'i sems bskyed pas kyang bskal pa stong
288b2 phrag bcu'i bar du 'khor ba la rgyab kyis ltas shing spangs par gyur to/ /rigs kyi bu ltos/ gang sems can gzhan dag sems can dmyal bar skye bar 'gyur ba de byang chub sems dpa' thabs mkhas pa ni tshangs pa'i 'jig rten du skye bar 'gyur ro/ /rigs kyi bu gal te dge
288b3 slong maud gal gyi bu dang / shA ri'i bu thabs mkhas pa dang ldan du zin ni dge slong ko ka li ka de sems can dmyal bar 'gro bar mi 'gyur ro/ /de ci'i phyir zhe na/ rigs kyi bu ngas mngon par shes pa 'das pa'i dus na de bzhin gshegs pa log par dad sel gyi gsung rab la
288b4 dge slong dri ma med pa zhes bya ba zhig byung ste/ de dgon pa'i brag phug gcig na gnas pa nas rgyang mi ring ba zhig na drang srong lnga gnas pa las de'i tshe dus ma yin pa'i sprin chen po byung / dus ma yin pa'i char pa yang cher bab pa dang / de nas bud med gnyis shig char
288b5 pa'i skyabs kyi phyir dge slong dri ma med pa'i brag phug tu zhugs te/ slar byung ba dang / drang srong rnams kyis mthong nas e ma ho dge slong dri ma med pa 'di sdig 'dod pa'o/ /tshangs par spyod pa ma yin pa'o zhes yid byung bar gyur to/ /de nas dge slong dri ma med pa'i sems
288b6 kyis drang srong de dag gi sems kyi yongs su rtog pa shes nas/ de'i tshe nam mkha' la shing ta la bdun tsam du 'phags so/ /de nas drang srong de dag gis dge slong dri ma med pa bar snang gi nam mkha' la 'dug pa mthong nas/ bdag cag gi gtsug lag las 'byung ba ltar na tshangs
288b7 par spyod pa ma yin pa nam mkha' la 'phags mi nus so snyam du sems par gyur nas/ de'i tshe yan lag lngas phyag 'tshal te nyes pa bshags so/ /rigs kyi bu gal te dge slong dri ma med pa nam mkha' la ma 'phags su zin na/ de'i tshe drang srong lnga'i lus sems
iiif viewer powered by OpenSeadragon
Texts on this page
D261 - 'phags pa thabs mkhas pa zhes bya ba theg pa chen po'i mdo