rKTs

e-texts navigator

Volume

Page

288a₁ zhes bya ba byin nas/ legs so legs so/ /skyes bu dam pa byang chub sems dpa' dag ni snying rje chen po 'dis ltung ba thams cad spong ste/ rigs kyi bu ngas mngon par shes pa 'das pa'i bskal pa grangs med pa'i pha rol gyi yang shin tu pha rol na
288a₂ khye'u skar ma zhes bya ba zhig yod de/ de nags kyi 'dab na lo bzhi khri nyis stong du tshangs par spyod pa spyad nas/ de lo bzhi khri nyis stong 'das pa na rgyal po'i pho brang 'byor pa zhes bya bar phyin nas de grong khyer chen po der song ba dang / chu chun ma zhig gis khye'u bzang po de mthong nas
288a₃ 'dod pa'i 'dod chags kyis yongs su zin pa'i sems dang ldan pas khye'u de'i mdun du brgyugs te phyag 'tshal to/ /de nas rigs kyi bu khye'u skar mas bud med de la 'di skad ces smras so/ /sring mo khyod ci 'dod/ mos de la 'di skad ces smras so/ /khye'u bdag khyod 'tshal
288a₄ lo/ /khos de la 'di skad ces smras so/ /sring mo kho bo ni 'dod pa dgos pa ma yin no/ /mos de la 'di skad ces smras so/ /gal te bdag khyod dang mjal bar mi 'gyur na bdag 'gum par 'gyur ro/ /de nas khye'u skar mas 'di snyam du bsams so/ /gang bdag
288a₅ gis lo bzhi khri nyis stong gi bar du tshangs par spyod pa spyad nas brtul zhugs gzhig pa ni bdag gis mi cha'o snyam nas nan gyis 'then te bud med des btang nas gom pa bdun 'phags pa dang / de gom pa bdun pa la gnas nas snying rje skyes te/ bdag gis brtul
288a₆ zhugs 'di bshig nas sems can dmyal bar song bar gyur kyang sems can dmyal ba'i sdug bsngal de myong bar bzod kyi/ bud med 'di shir 'ong gis bde bar gyur cig ces/ rigs kyi bu khye'u skar ma de kha slar log ste/ bud med de lag pa g.yas pas bzung nas sring mo
288a₇ khyod ci 'dod pa byas longs shig ces de skad smras so/ /de nas khye'u skar ma de lo bcu gnyis kyi bar du khyim na gnas nas slar yang mngon par byung ste/ tshangs pa'i gnas bzhi bskyed nas shi 'phos pa dang / tshangs pa'i 'jig rten du skyes so/ /rigs kyi bu khyod de'i tshe de'i dus na

_{iiif viewer powered by OpenSeadragon}

287b - 288b

Texts on this page