| e-texts navigator |
| བོད་ཡིག |
287b1 de'i tshe tshigs su bcad pa 'di dag smras so/ /sangs rgyas kyis ni gang smad pa/ /'dod pa slan chad bdag mi 'tshal/ /'dod pa'i sred pa spangs na ni/ /sangs rgyas mi yi mchog tu 'gyur/ /bdag gi sems kyis gang bsams pa'i/ /nongs pa de ni khyed la bshags/ /
287b2 srog chags kun la bde ba'i phyir/ /byang chub tu ni mos bskyed do/ /dga' bo 'di lta ste/ byang chub sems dpa' 'od mang ldan gyi rgyal po thabs mkhas pa des sring mo de bla na med pa yang dag par rdzogs pa'i byang chub la bslabs nas stan las langs te song ngo / /dga'
287b3 bo lhag pa'i bsam pa'i khyad par la ltos/ ngas sring mo de lung bstan to/ /'di nas shi 'phos nas bud med kyi lus brjes te/ bskal pa grangs med pa brgya stong phrag dgu bcu rtsa dgu na kun nas ldang ba dang bral ba zhes bya ba'i de bzhin gshegs pa dgra bcom pa yang dag
287b4 par rdzogs pa'i sangs rgyas 'jig rten du 'byung bar 'gyur te/ dga' bo khyod rnam grangs des kyang byang chub sems dpa' ni gang ltung ba'i chos can du 'gyur ba'i g.yog mi 'chang bar rig par bya'o/ /de nas byang chub sems dpa' 'od mang ldan gyi rgyal po bar snang de
287b5 las babs te/ bcom ldan 'das kyi zhabs la phyag 'tshal nas/ bcom ldan 'das la 'di skad ces gsol to/ /bcom ldan 'das byang chub sems dpa' thabs mkhas pa dang / snying rje chen po la gnas par bgyi'o/ /bcom ldan 'das 'di la bdag 'di snyam
287b6 bgyid do/ /gal te byang chub sems dpa' sems can gcig gi dge ba'i rtsa ba skye bar 'gyur na/ ltung ba de 'dra ba 'byung zhing de lta bu'i ltung ba byung bas bskal pa brgya stong du sems can dmyal bar btso bar gyur kyang / bcom ldan 'das byang chub sems dpa' ltung ba 'byung
287b7 ba dang / sems can dmyal ba'i sdug bsngal de la spro ba nyid du bgyi'o/ /sems can gcig po'i dge ba'i rtsa ba yongs su gtong ba dang / yongs su 'bri bar ni mi bgyi'o/ /de nas bcom ldan 'das kyis byang chub sems dpa' 'od mang ldan gyi rgyal po la legs so
iiif viewer powered by OpenSeadragon
Texts on this page
D261 - 'phags pa thabs mkhas pa zhes bya ba theg pa chen po'i mdo