| e-texts navigator |
| བོད་ཡིག |
286a1 'di ltar slob ste/ gal te bdag gis phung po 'di dag gis mya ngan las 'da' bar bya na ni de ltar bdag gi sems yongs su gdung ba dang ldan par yang 'gyur na/ bdag gis sems can yongs su smin par bya ba'i phyir phyi ma'i mthar thug par 'khor ba na gnas
286a2 pa'i go cha de lta bu bgos pas bdag gi sems la gdung bar ni mi bya'i/ byang chub ji lta ji ltar 'khor bar 'gyur ba de lta de ltar sems can yongs su smin par bya'o/ /ltung ba 'di yang chos bzhin du bya'o/ /ltung ba gzhan yang ma byung bar bya'o snyam du sems so/ /rigs kyi
286a3 bu yongs su brtag pa bzung na gal te rab tu byung ba'i byang chub sems dpa' ltung ba'i rtsa ba bzhi po thams cad 'das par gyur kyang thabs mkhas pa 'dis sbyong bar byed na byang chub sems dpa'i ltung bar mi 'gyur bar ngas bshad do/ /de nas bcom ldan 'das la byang chub sems dpa'
286a4 ye shes blas 'di skad ces gsol to/ /bcom ldan 'das ji ltar na byang chub sems dpa' ltung ba dang bcas pa lags/ de skad ces gsol pa dang / bcom ldan 'das kyis byang chub sems dpa' sems dpa' chen po ye shes bla la 'di skad ces bka' stsal to/ /rigs
286a5 kyi bu byang chub sems dpa' so sor thar pa'i bslab pa slob pa na bskal pa brgya stong du yang rtsa ba dang 'bras bu za bar 'gyur la/ sems can thams cad kyis snyan par smra ba dang / mi snyan par smra ba yang bzod cing nyan thos dang rang sangs rgyas yid la byed pa yang ldan par gnas pa de ni
286a6 byang chub sems dpa'i ltung ba'i rtsa ba lci ba yin no/ /rigs kyi bu 'di lta ste/ dper na nyan thos kyi theg pa la gnas pa ltung ba'i rtsa ba byung na phung po de nyid kyis yongs su mya ngan las 'da' ba'i skal ba med pa de bzhin du rigs kyi bu byang chub sems dpa' yang ltung ba ma mthol
286a7 zhing nyan thos dang / rang sangs rgyas yid la byed pa ma btang na sangs rgyas kyi sar yongs su mya ngan las 'da' ba'i skal ba med do/ /de nas bcom ldan 'das la tshe dang ldan pa dga' bos 'di skad ces gsol to/ /bcom ldan 'das bdag bsod snyoms kyi phyir mthar gyis spyod pa
iiif viewer powered by OpenSeadragon
Texts on this page
D261 - 'phags pa thabs mkhas pa zhes bya ba theg pa chen po'i mdo