rKTs

e-texts navigator

Volume

Page

285b₁ 'jog par byed cing sbyin pa yang sbyin par byed pa de ni de'i tshul khrims kyi pha rol tu phyin pa'o/ /gang byams par sems pa dang / sems ma 'khrugs pa dang / phan par sems pa dang / sems rtse gcig par gyur nas sbyin pa sbyin par byed pa de ni de'i bzod pa'i pha rol tu phyin pa'o/ /gang
285b₂ bza' ba dang / bca' ba dang / myang bar bya ba de dag la lus dang / ngag dang sems 'jog cing 'gro ba dang 'ong bar byed pa de ni de'i brtson 'grus kyi pha rol tu phyin pa'o/ /sbyin pa byin nas gang rtse gcig pa dang / dbugs phyin par mi 'dzin pa de ni de'i bsam gtan gyi pha rol tu phyin pa'o/ /
285b₃ gal te sbyin pa de byin nas chos nyid la brten te 'di sus byin/ 'di sus zos/ su la rnam par smin par 'gyur zhes des de ltar brtags na/ gang gis sbyin pa dang / gang la sbyin pa dang / gang la rnam par smin pa myong bar 'gyur ba'i chos gang yang ma dmigs pa de ni de'i shes rab kyi
285b₄ pha rol tu phyin pa'o/ /rigs kyi bu de ltar na byang chub sems dpa' thabs mkhas pa sbyin pa sbyin par byed pa na pha rol tu phyin pa drug yongs su rdzogs par byed do/ /de nas bcom ldan 'das la byang chub sems dpa' ye shes blas 'di skad ces gsol to/ /bcom ldan 'das de 'dra bar
285b₅ thabs mkhas te/ sbyin pa gang gis sems can gzhan dag 'khor ba yongs su len par bgyid pa'i sbyin pa de nyid kyis byang chub sems dpa' sems dpa' chen po sangs rgyas kyi chos rnams len par bgyid pa ngo mtshar to/ /bcom ldan 'das kyis bka' stsal pa/ de de bzhin no/ /rigs
285b₆ kyi bu ji skad smras pa de bzhin te/ byang chub sems dpa' thabs mkhas pa ni sbyin pa nyung ngu yang mang por byed/ sbyin pa mang po yang dpag tu med par byed do/ /de nas bcom ldan 'das kyis byang chub sems dpa' sems dpa' chen po ye shes bla la bka' stsal pa/ rigs kyi bu gzhan
285b₇ yang byang chub sems dpa' thabs mkhas pa ni ltung ba lci ba yang thabs mkhas pas srab mor byed do/ /ji ltar srab mor byed ce na/ rigs kyi bu 'di la byang chub sems dpa' thabs mkhas pa ni nam zhig brgya la la la zhig tu sdig pa'i grogs po'i dbang gis ltung ba byung na de

_{iiif viewer powered by OpenSeadragon}

285a - 286a

Texts on this page