rKTs

e-texts navigator

Volume

Page

285a₁ te brgya la dbul por gyur na/ de'i tshe na de chung ngu na gzhan gyi las kyang byas nas zas gzar bu gang thogs te sems ma zhum pas dge 'dun nam gang zag la sbyin par byed do/ /byin nas kyang 'di ltar slob ste/ bcom ldan 'das kyis sems che ba'i phyir sbyin pa che bar
285a₂ 'gyur ro zhes gsungs kyis bdag gi sbyin pa chung ngu zin kyang thams cad mkhyen pa nyid kyi sems ni dpag tu med pa'o snyam nas de thams cad mkhyen pa nyid kyi sems kyis zas gzar bu gang po sbyin par byed cing dge ba'i rtsa ba 'dis sems can thams cad 'di lta ste/ dper na da ltar gyi de
285a₃ bzhin gshegs pa phyag na rin chen bzhin du shog shig ces zas gzar bu gang po de nyid kyis sbyin pa'i rang bzhin dang / tshul khrims kyi rang bzhin dang / bsgom pa'i rang bzhin gyis bsod nams bya ba'i dngos po mngon par byed do/ /rigs kyi bu gzhan yang byang chub sems dpa'
285a₄ thabs mkhas pa ni nyan thos dang / rang sangs rgyas rnams dang lhan cig tu gnas kyang de dag la 'dod par mi byed do/ /gal te yang nyan thos dang / rang sangs rgyas dag la bkur sti byas pa mthong na de rgyu gnyis kyis bdag nyid khong du chud par byed do/ /rgyu gnyis po gang zhe na/ byang chub
285a₅ sems dpa' las ni sangs rgyas bcom ldan 'das rnams 'byung / sangs rgyas las ni nyan thos dang rang sangs rgyas rnams 'byung bas de dag la bkur sti byas na bdag nyid la thog ma kho nar bkur stir byas pa yin gyi/ de dag la ni ma yin pa dang / de dag ni bdag gi pha'i nor la spyod mod
285a₆ kyi/ de la bdag gis 'dod par mi bya/ phrag dog tu mi bya snyam du sems pa'o/ /rigs kyi bu gzhan yang byang chub sems dpa' thabs mkhas pa ni sbyin pa sbyin pa na pha rol tu phyin pa drug yongs su rdzogs par byed do/ /ji ltar yongs su rdzogs par byed ce na/ 'di la byang chub sems dpa'
285a₇ gang gi tshe slong ba mthong na de ser sna'i sems tshar gcod par byed/ gtong ba chen po 'phel bar byed de/ de ni de'i sbyin pa'i pha rol tu phyin pa'o/ /gang tshul khrims yang dag par blangs nas tshul khrims dang ldan pa la sbyin par byed pa dang / gang ngang tshul ngan pa can de dag tshul khrims la

_{iiif viewer powered by OpenSeadragon}

284b - 285b

Texts on this page