| e-texts navigator |
| བོད་ཡིག |
282b1 ro/ /rang sangs rgyas rnams dang / byang chub sems dpa' sems dpa' chen po rnams 'jig rten du 'byung bar 'gyur ro/ /de bzhin gshegs pa dgra bcom pa yang dag par rdzogs pa'i sangs rgyas rnams 'jig rten du 'byung bar 'gyur ro/ /rigs kyi bu 'di ji snyam du sems/ nam mkha'
282b2 mig la gnas sam/ gsol pa/ bcom ldan 'das de ma lags so/ /ci mig gi rnam par shes pa la gnas sam/ bcom ldan 'das de ma lags so/ /ci mig gis kun du reg pa la gnas sam/ bcom ldan 'das de ma lags so/ /gang yang nang du mig gis kun du reg
282b3 pa'i rkyen gyis tshor ba gsum 'byung ba de la nam mkha' gnas sam/ gsol pa bcom ldan 'das de ma lags so/ /de bzhin du rna ba dang / sna dang / lce dang / lus la yang brjod par bya'o/ /rigs kyi bu 'di ji snyam du sems/ nam mkha' yid la gnas pa nas yid kyis kun du
282b4 reg pa'i rkyen gyis tshor ba gsum 'byung ba de la nam mkha' gnas sam/ gsol pa/ bcom ldan 'das de ma lags so/ /rigs kyi bu 'di ji snyam du sems/ sems can nam mkha' la gnas sam/ gsol pa/ bcom ldan 'das de ma lags so/ /rigs kyi bu 'di ji snyam du
282b5 sems/ nam mkha' sems can la gnas sam/ gsol pa/ bcom ldan 'das de ma lags so/ /de skad ces bka' stsal pa dang / bcom ldan 'das la byang chub sems dpa' sems dpa' chen po nam mkha'i snying pos 'di skad ces gsol to/ /bcom ldan 'das gcig la
282b6 gcig mi rten to/ /gcig la gcig spyod yul ma lags so/ /bcom ldan 'das chos thams cad ni rtog pa ma mchis pa/ stong pa nyid dang / sgro ma btags pa/ yang dag pa'i mtha' de bzhin nyid du rtogs par bgyi'o/ /bcom ldan 'das nam mkha'i snying po ni 'di lta ste/ rang
282b7 gi mtshan nyid tha mi dad pa/ mi rtog pa/ rnam par mi rtog pa/ mi g.yo ba/ gsob lags te/ myu gu ma mchis pa/ sa bon ma mchis pa/ 'bras bu ma mchis pa/ rnam par smin pa ma mchis pa/ yi ge ma mchis pa/ rlom sems ma mchis pa lags so/ /bcom ldan
iiif viewer powered by OpenSeadragon
Texts on this page
D260 - 'phags pa nam mkha'i snying po zhes bya ba theg pa chen po'i mdo