rKTs

e-texts navigator

Volume

Page

279b₁ dag ni mes 'chi ba'i dus byed par mi 'gyur/ chus ma yin/ mtshon gyis ma yin/ dug gis 'chi bar mi byed de/ de dag tshe zad pa ma gtogs par mi 'am mi ma yin pa sus kyang de dag gi srog dbrog par mi nus/ dus ma yin par mi 'chi/ nad bu can du mi 'gyur/ bkres
279b₂ pa dang skom pas 'chi ba'i dus byed par mi 'gyur/ rgyal po'i chad pas chod par mi 'gyur/ 'chi ba'i dus la bab kyi bar du ltung ba'i rtsa ba 'byung bar mi 'gyur te/ de dag mig gis gzugs mi mthong / rna bas sgra mi thos/ snas dri mi tshor/ lces ro mi myong / lus kyis reg
279b₃ bya mi shes shing / da dung du dbugs phra mo 'byung ba dang 'jug par byed/ da dung du de'i lus la tshe dang / drod dang / rnam par shes pa 'jug par 'gyur ba de'i tshe/ de dag la byang chub sems dpa' nam mkha'i snying po tha mal par ston par byed de/ sems can gang sngon bram ze
279b₄ la gus par gyur pa de dag gi rnam par shes pa la ni rigs kyi bu de bram ze'i gzugs su ston to/ /gang 'dod pa'i dbang phyug la gus pa de dag la ni 'dod pa'i dbang phyug gi bar du ston pa nas/ gang sred med kyi bu la gus pa dang / gang dbang phyug chen po la gus pa dang / brgya byin
279b₅ la gus pa dang / 'khor los sgyur ba la gus pa dang / nyi ma dang / zla ba dang / yul 'khor srung dang / 'phags skyes po dang / mig mi bzang dang rnam thos kyi bu la gus pa dang / gang dag lha dang / ri dang / shing dang / chu mig dang / mtshe'u dang / lteng ka sna tshogs la
279b₆ gus pa'i bar du gang dang gang gi skyabs su song ba'i sems can de dag la de lta de ltar sems can de dag gi mdun du bstan nas/ gang gi bsam pa ci 'dra ba bzhin du de'i gzugs kyis 'di skad ces smra'o/ /'phags pa'i bden pa bzhi dag la/ /gang dag shes rab kyis mthong ba/ /
279b₇ 'khor ba'i srid pa sgrol ba'i phyir/ /'khor ba na ni de kun shes/ /sems can de dag gis chos 'di dag rnam par shes pas shes par byas nas mtho ris la gzhol bar 'gyur ro/ /sems can gang dag sangs rgyas la mngon par dad pa de dag gi mdun du 'dug ste/ sangs rgyas

_{iiif viewer powered by OpenSeadragon}

279a - 280a

Texts on this page