rKTs

e-texts navigator

Volume

Page

25b₁ bgyid pa lags/ ji ltar na ma grol ba rnams kyi rjes su 'brang ba lags/ bka' stsal pa/ bcing bas bcings par bya ba ni bslab pa'i bcing bas so/ /bcings pa 'grol ba ni sred pa'i bcing ba las so/ /grol ba rnams la bsnyen bkur bya ba ni nyan thos dang rang sangs
25b₂ rgyas rnams la'o/ /ma grol ba rnams kyi rjes su 'brang bar bya ba ni byis pa so so'i skye bo rnams yongs su smin par bya ba ste de ni tshul lo/ /rigs kyi bu dag de lta bas na 'dod par bya ba rnams la ni 'dod par gyis shig /'dod par mi bya ba rnams la ni 'dod par ma
25b₃ byed cig / 'dod pa dang bral bar yang gyis shig /gsol pa/ bcom ldan 'das ji ltar na byang chub sems dpa' rnams 'tshal bar bgyi ba rnams 'tshal ba lags/ ji ltar na 'tshal bar mi bgyi ba rnams mi 'tshal ba lags/ ji ltar na 'tshal ba dang bral ba
25b₄ lags/ bka' stsal pa/ byang chub sems dpa'i 'dod par mi bya ba ni nyan thos dang rang sangs rgyas thams cad de/ de dag la 'dod par mi bya'o/ /lha dang bcas pa'i 'jig rten gyi 'dod par bya ba ni sangs rgyas bcom ldan 'das rnams te/ de dag la 'dod par bya'o/ /'dod
25b₅ pa dang bral bar bya ba ni brgya byin dang tshangs par skye ba la lta ste de ni tshul lo/ /rigs kyi bu dag de lta bas na ji tsam du chung ba'i sa bon la 'dam brnyas shig /zhing tshad med pa la yang mos par gyis shig /'thob pa chen po ni ma sgrubs shig /gsol pa/ bcom ldan
25b₆ 'das ji ltar na byang chub sems dpa' rnams ji tsam du chung ba'i sa bon la yang brnyas par mi bgyid pa lags/ ji ltar na zhing tshad ma mchis pa la mos pa lags/ ji ltar na 'thob pa chen po mi sgrub pa lags/ bka' stsal pa/ ji tsam du chung ba'i sa bon zhes bya ba ni ji tsam du chung
25b₇ ba'i dge ba'i rtsa ba ste/ de la brnyas par mi bya'o/ /zhing tshad med pa la yang mos par bya ba ni sangs rgyas la phul ba'i sbyin pa tshad med pa la mos par bya ba'o/ /'thob pa chen po mi sgrub pa ni sems can thams cad la sbyin pa'i phyir te de ni tshul lo/ /rigs kyi bu dag de lta

_{iiif viewer powered by OpenSeadragon}

25a - 26a

Texts on this page