rKTs

e-texts navigator

Volume

Page

25a₁ rtsi zhes bya ba ni bag yod pa'o/ /dug ces bya ba ni bag med pa ste/ de la byang chub sems dpas bag yod par bya zhing bag med pa'i sems dang ma 'dres par bya'o/ /dug med pa rnams zhes bya ba ni nyan thos rnams te/ de dag dang bsten par mi bya'o/ /
25a₂ dug dang ldan pa zhes bya ba ni so so'i skye bo rnams te/ de dag la bdud rtsi bstan par bya ste de ni tshul lo/ /rigs kyi bu dag de lta bas na mngon par dga' bar bya ba la ni mngon par dga' bar ma byed cig /mngon par dga' bar mi bya ba la ni mngon par dga' bar gyis
25a₃ shig / dga' ba dang 'dod chags dang ldan par yang gyis shig /dga' ba dang 'dod chags yongs su bcad par yang gyis shig /gsol pa/ bcom ldan 'das ji ltar na byang chub sems dpa' rnams mngon par dga' bar bgyi ba la mngon par dga' bar mi bgyid
25a₄ pa lags/ ji ltar na mngon par dga' bar mi bgyi ba la mngon par dga' bar bgyid pa lags/ ji ltar na dga' ba dang 'dod chags dang ldan pa lags/ ji ltar na dga' ba dang 'dod chags yongs su gcod pa lags/ bka' stsal pa/ mngon par dga' ba zhes bya ba ni
25a₅ ngar 'dzin pa dang nga yir 'dzin pa ste/ de dag la mngon par dga' bar mi bya'o/ /mngon par mi dga' ba ni bdud rnams kyis sangs rgyas kyi ye shes la ste/ de la mngon par dga' bar bya'o/ /dga' ba dang 'dod chags dang ldan par bya ba ni 'khor ba na sred pa ni zla
25a₆ yin pa'o/ /dga' ba dang 'dod chags yongs su gcad pa ni 'gog pa yongs su shes par bya ba ste de ni tshul lo/ /rigs kyi bu dag de lta bas na bcing bas bcings par yang gyis shig /bcing bas bcings pa rnams kyang khrol cig /grol ba rnams la'ang
25a₇ bsnyen bkur gyis shig / ma grol ba rnams kyi rjes su 'brang bar gyis shig /gsol pa/ bcom ldan 'das ji ltar na byang chub sems dpa' rnams bcing bas bcings pa lags/ ji ltar na bcings pa rnams dgrol ba lags/ ji ltar na grol ba rnams la bsnyen bkur

_{iiif viewer powered by OpenSeadragon}

24b - 25b

Texts on this page