| e-texts navigator |
| བོད་ཡིག |
23b1 lo/ /rigs kyi bu dag de lta bas na 'byor pa ni phye shig /ma 'byor pa ni sbyor cig /'byor pa dang ma 'byor pa la chags par yang ma byed cig /gsol pa/ bcom ldan 'das ji ltar na byang chub sems dpa' rnams 'byor pa 'byed pa lags/ ji ltar na ma 'byor
23b2 pa ni sbyor ba lags/ ji ltar na sbyor ba dang / mi sbyor ba la ma chags pa lags/ bka' stsal pa/ 'byor pa ni phyin ci log bzhi 'khor ba'i 'dam dang 'byor pa ste/ de ni byang chub sems dpas dbye bar bya'o/ /ma 'byor pa ni mya ngan las 'das pa'i tshul bzhin yid la bya ba ste/
23b3 de ni byang chub sems dpas sbyar ba'o/ /'byor pa dang ma 'byor pa la chags par mi bya ba ni nyan thos dang rang sangs rgyas kyi spyod pa dang / so so'i skye bo'i spyod pa la ma chags par bya ba ste de ni tshul lo/ /rigs kyi bu dag de lta bas na dbugs phyin pa rnams ni dbugs ma
23b4 phyung shig / dbugs ma phyin pa rnams ni dbugs phyung shig /gsol pa/ bcom ldan 'das ji ltar na byang chub sems dpa' rnams dbugs phyin pa rnams dbugs mi 'byin pa lags/ ji ltar na dbugs ma phyin pa rnams dbugs 'byin pa lags/ bka' stsal
23b5 pa/ dbugs phyin pa rnams dbugs mi dbyung ba ni/ yongs su smin pa'i sems can rnams yongs su smin par mi bya'o/ /dbugs ma phyin pa rnams dbugs dbyung ba ni yongs su ma smin pa'i sems can rnams yongs su smin par bya ba ste de ni tshul lo/ /rigs kyi bu
23b6 dag de lta bas na rma byung bar yang gyis shig / ma rmas par yang gyis shig /rma byung ba rnams ni sos par yang gyis shig /rma ma byung ba rnams ni rma dbyung shig /gsol pa/ bcom ldan 'das ji ltar na byang chub sems dpa' rnams rma 'byin pa lags/ ji ltar
23b7 na ma rmas pa lags/ ji ltar na rma byung ba rnams gso ba lags/ ji ltar na rma ma byung ba rma mi 'byin pa lags/ bka' stsal pa/ rma 'byung ba ni yan lag dang nying lag yongs su btang ba'i phyir ro/ /ma rmas par bya ba ni sems kyis so/ /rma byung ba rnams gso ba
iiif viewer powered by OpenSeadragon
Texts on this page
D244 - 'phags pa chos kyi tshul zhes bya ba theg pa chen po'i mdo