rKTs

e-texts navigator

Volume

Page

23a₁ bka' stsal pa/ mnyam par gzhag pa ni byang chub kyi sems kyis so/ /sems rnam par g.yeng bar bya ba ni nyan thos kyi sems las so/ /mi gnas pa ni de la ma chags pa'i phyir ro/ /rtag tu snyoms par zhugs pa ni sems can thams cad la sems
23a₂ mnyam pa'i phyir te de ni tshul lo/ /rigs kyi bu dag de lta bas na bsreg par bya ba ni sregs shig /tshig pa ni skyed cig /skyes pa ni thong cig /rnam par phye ba ni bsdus shig /gsol pa/ bcom ldan 'das ji ltar na byang chub sems dpa' rnams bsreg par
23a₃ bgyi ba sreg pa lags/ ji ltar na tshig pa rnams skyed pa lags/ ji ltar na skyes pa rnams gtong ba lags/ ji ltar na rnam par phye ba rnams sdud pa lags/ bka' stsal pa/ bsreg par bya ba sreg pa ni nyon mongs pa thams cad shes rab kyi mes sreg pa'o/ /tshig pa
23a₄ skyed pa ni thabs kyis phung po dang / khams dang / skye mched rnams gzung ba'o/ /skyes nas gtong ba ni sems can thams cad kyi bya ba ci yod pa la snying las su bya ba'o/ /rnam par phye bas bsdu ba zhes bya ba de ni yongs su bsngo ba'i tshig te de ni tshul lo/ /rigs
23a₅ kyi bu dag de lta bas na dus ma yin pa ni dus su shes par gyis shig / dus ni dus ma yin par shes par gyis shig /dus dang dus ma yin pa la mkhas par yang gyis shig /gsol pa/ bcom ldan 'das ji ltar na byang chub sems dpa' rnams dus ma lags pa la
23a₆ dus su 'tshal ba lags/ ji ltar na dus la dus ma lags par 'tshal ba lags/ ji ltar na dus dang dus ma lags pa la mkhas pa lags/ bka' stsal pa/ gang nyan thos kyi sa thob par bya ba'i dus de ni byang chub sems dpa'i dus ma yin no/ /pha rol tu phyin pa thams cad
23a₇ yongs su rdzogs par byas te bla na med pa yang dag par rdzogs pa'i byang chub tu mngon par rdzogs par 'tshang rgya ba ni byang chub sems dpa'i dus so/ /dus dang dus ma yin pa la mkhas par bya ba ni dus bzhin du dge ba'i rtsa ba yang dag par bsgrub pa'i phyir te de ni tshul

_{iiif viewer powered by OpenSeadragon}

22b - 23b

Texts on this page