| e-texts navigator |
| བོད་ཡིག |
22b1 du yod par yang gyis shig / gsol pa/ bcom ldan 'das ji ltar na byang chub sems dpa' rnams yid du 'ong ba lags/ ji ltar na yid du mi 'ong ba lags/ ji ltar na smad du ma mchis pa lags/ ji ltar na smad du mchis pa lags/ bka' stsal pa/ yid du 'ong ba zhes
22b2 bya ba ni yon tan gyis phyug pa'i phyir sangs rgyas thams cad kyi thugs su byon pa'o/ /yid du mi 'ong ba ni mngon par shes pa thams cad kyi rnam par 'phrul pa'i phyir bdud thams cad kyi yid du mi 'ong ba'o/ /smad du med pa ni lus dang / ngag dang / yid yongs su dag pa'i
22b3 phyir ro/ /smad du yod pa ni mi dge ba'i chos thams cad la dmod pa'i phyir te de ni tshul lo/ /rigs kyi bu dag de lta bas na rma byung ba rnams la rma ma 'byin cig /rma ma byung ba rnams la rma phyung shig /ye shes tshol cig /ye shes kyi bya ba rnams la dga' bar ma byed cig /
22b4 gsol pa/ bcom ldan 'das ji ltar na byang chub sems dpa' rnams rma byung ba rnams la rma mi 'byin pa lags/ ji ltar na rma ma byung ba rnams la rma 'byin pa lags/ ji ltar na ye shes tshol ba lags/ ji ltar na ye shes kyi bgyi ba rnams la mi dga' ba lags/ bka'
22b5 stsal pa/ rma byung ba rnams zhes bya ba ni nyan thos dang rang sangs rgyas kyi sa ste de la rma dbyung bar mi bya'o/ /rma ma byung ba rnams zhes bya ba ni so so'i skye bo thams cad de/ de dag ni rma dbyung bar bya'o/ /ye shes btsal bar bya ba ni/ zad pa dang mi skye ba shes pa'o/ /ye shes kyi
22b6 bya ba la dga' bar mi bya ba ni 'dus ma byas su ltung bar mi bya ba ste de ni tshul lo/ /rigs kyi bu dag de lta bas na mnyam par gzhag par yang gyis shig /sems rnam par g.yeng bar yang gyis shig /sems mi gnas par yang gyis shig /rtag tu snyoms par zhugs
22b7 par yang gyis shig / gsol pa/ bcom ldan 'das ji ltar na byang chub sems dpa' rnams mnyam par gzhag pa lags/ ji ltar na sems rnam par g.yeng bar bgyid pa lags/ ji ltar na sems mi gnas pa lags/ ji ltar na rtag tu snyoms par zhugs pa lags/
iiif viewer powered by OpenSeadragon
Texts on this page
D244 - 'phags pa chos kyi tshul zhes bya ba theg pa chen po'i mdo