rKTs

e-texts navigator

Volume

Page

21a₁ bar yang gyis shig / byol bar bya ba rnams la ni byol cig /bsdad par bya ba rnams la ni sdod cig /gsol pa/ bcom ldan 'das ji ltar na byang chub sems dpa' rnams la mi gda' ba yang lags/ ji ltar na thams cad du gda' ba yang lags/
21a₂ ji ltar na byol bar bgyi ba rnams la byol ba lags/ ji ltar na bsdad par bgyi ba rnams la sdod par bgyid pa lags/ bka' stsal pa/ mi snang bar bya ba ni ltung ba dang 'khrul pa thams cad las yang dag par 'das par bya ba'o/ /thams cad du snang bar yang bya ba ni byang
21a₃ chub kyi phyogs kyi chos yang dag par bsgrub pa'i phyir ro/ /byol bar bya ba rnams las 'byol ba ni 'thab mo dang rtsod pa rnams las so/ /bsdad par bya ba rnams la sdod pa ni sems can tshogs par bya ba'i phyir te de ni tshul lo/ /rigs kyi bu dag de lta bas na ma byas pa
21a₄ rnams la'ang gnas par gyis shig / byas pa rnams la'ang gnas par gyis shig /byas pa dang ma byas pa rnams la'ang sems mnyam par gyis shig /gsol pa/ bcom ldan 'das ji ltar na byang chub sems dpa' rnams ma bgyis pa rnams la'ang gnas pa
21a₅ lags/ ji ltar na bgyis pa rnams la'ang gnas pa lags/ ji ltar na bgyis pa dang ma bgyis pa rnams la'ang sems mnyam pa lags/ bka' stsal pa/ ma byas pa rnams la gnas pa ni dge ba'i rtsa ba yang dag par bsgrub pa'i phyir ro/ /byas pa rnams la gnas
21a₆ pa ni dge ba'i rtsa ba byas pa de'i gong ma'i chos dang sbyar bar bya ba'i phyir ro/ /byas pa dang ma byas pa rnams la sems mnyam par bya ba ni tshul khrims dang ldan pa dang / tshul khrims 'chal pa rnams la bye brag med pa'i 'du shes su bya ba ste de ni tshul lo/ /rigs kyi bu dag de
21a₇ lta bas na snying po med pa las kyang snying po tshol cig / snying po la yang snying po med pa'i 'du shes skyed cig /snying po dang snying po med pa la yang spyod cig /gsol pa/ bcom ldan 'das ji ltar na byang chub sems dpa' rnams snying po ma mchis pa la snying po tshol ba lags/

_{iiif viewer powered by OpenSeadragon}

20b - 21b

Texts on this page