| e-texts navigator |
| བོད་ཡིག |
19b1 ro/ /rtag tu bye ba ni gcig nas gcig tu brgyud cing mi gnas pa'i sems gzhan dang gzhan shes pa'o/ /brtan pa ni bsgrub pa la'o/ /blo rgod cing mi rgod pa ni dge ba'i chos gzhan dang gzhan la dmigs pa'i phyir te de ni tshul lo/ /rigs kyi bu dag de lta bas na rjes
19b2 su chags par yang gyis shig / rtag tu zhe 'gras par yang gyis shig /yun ring por lta bar yang gyis shig /byas pa mi gzo bar yang gyis shig /gsol pa/ bcom ldan 'das ji ltar na byang chub sems dpa' rnams rjes su chags pa lags/ ji ltar na rtag tu
19b3 zhe 'gras pa lags/ ji ltar na yun ring por lta ba lags/ ji ltar na byas pa mi gzo ba lags/ bka' stsal pa/ rjes su chags pa zhes bya ba ni theg pa chen po la'o/ /zhe 'gras pa zhes bya ba ni theg pa dman pa la'o/ /yun ring por lta ba ni 'khor ba yongs su bzung ba'i
19b4 phyir ro/ /byas pa mi gzo ba ni sdig pa byas pa rnams la phyir lan mi glon pa ste de ni tshul lo/ /rigs kyi bu dag de lta bas na gtong ba yang shin tu thong shig /ser sna can du yang gyis shig /'dzin pa'i sems kyang med par gyis shig /gsol pa/ bcom ldan
19b5 'das ji ltar na byang chub sems dpa' rnams gtong ba shin tu gtang ba lags/ ji ltar na ser sna can lags/ ji ltar na 'dzin pa'i sems ma mchis pa lags/ bka' stsal pa/ gtong ba shin tu gtang ba ni sems can thams cad yongs su mi gtang ba'i phyir sbyin pa gtang
19b6 ba'o/ /ser sna can du bya ba ni snod du ma gyur pa rnams la'o/ /'dzin pa med pa'i sems su bya ba ni chos la slob dpon gyi dpe mkhyud med pa'i phyir te de ni tshul lo/ /rigs kyi bu dag de lta bas na gang dag spangs pa de dag ni yongs su zung shig /gang dag yongs su bzung ba
19b7 de dag ni yal bar zhog shig / nad pa ltar yang gyis shig /na ba rnams kyang gsos shig /gsol pa/ bcom ldan 'das ji ltar na byang chub sems dpa' rnams gang dag spangs pa de dag yongs su 'dzin pa lags/ ji ltar na gang dag yongs su bzung ba de dag yal bar
iiif viewer powered by OpenSeadragon
Texts on this page
D244 - 'phags pa chos kyi tshul zhes bya ba theg pa chen po'i mdo