| e-texts navigator |
| བོད་ཡིག |
19a1 kyang gting mi rnyed pa'o/ /spyod pa gsal ba la yang snang ba zhes bya ba ni byis pa so so'i skye bo'i chos rnams dang 'dre bar bya ba ste de ni tshul lo/ /rigs kyi bu dag de lta bas na lam las gzur bar gyis shig /lam gol ba na yang snang bar gyis shig /
19a2 yang dag pa'i lam yang ma dor cig /gsol pa/ bcom ldan 'das ji ltar na byang chub sems dpa' rnams lam las 'dzur ba lags/ ji ltar na lam gol ba na yang gda' ba lags/ ji ltar na yang dag pa'i lam mi 'dor ba lags/ bka' stsal pa/ lam las
19a3 'dzur ba zhes bya ba ni nyan thos dang rang sangs rgyas kyi lam las 'byol ba'o/ /lam gol ba na snang ba ni sems can yongs su smin par bya ba'i phyir ro/ /yang dag pa'i lam mi 'dor ba ni 'di lta ste/ pha rol tu phyin pa drug gi lam ste de ni tshul lo/ /rigs kyi bu dag
19a4 de lta bas na phyir mi ldog pa'i go cha yang bgo bar gyis shig / thams cad las kyang phyir ldog par gyis shig /phyir log nas kyang sgrol cig /gsol pa/ bcom ldan 'das ji ltar na byang chub sems dpa' rnams phyir mi ldog pa'i go cha bgos pa lags/ ji ltar
19a5 na thams cad las phyir ldog pa lags/ ji ltar na phyir ldog nas sgrol ba lags/ bka' stsal pa/ phyir mi ldog pa'i go cha bgos zhes bya ba ni chos dang 'thun pa'i dam bcas pa la gnas pa'o/ /thams cad las phyir ldog pa ni chos dang mi ldan pa'i dam bcas pa
19a6 las ldog pa'o/ /phyir log pa nas sgrol ba ni mi dge ba'i chos thams cad kyi ste de ni tshul lo/ /rigs kyi bu dag de lta bas na 'dum par gyis shig /rtag tu dbye bar gyis shig /brtan par gyis shig /blo rgod cing mi rgod par yang gyis shig /
19a7 gsol pa/ bcom ldan 'das ji ltar na byang chub sems dpa' rnams 'dum pa lags/ ji ltar na rtag tu bye ba lags/ ji ltar na brtan pa lags/ ji ltar na blo rgod cing mi rgod pa lags/ bka' stsal pa/ 'dum pa zhes bya ba ni bdud zil gyis mnan pa'i phyir
iiif viewer powered by OpenSeadragon
Texts on this page
D244 - 'phags pa chos kyi tshul zhes bya ba theg pa chen po'i mdo