| e-texts navigator |
| བོད་ཡིག |
18a1 rtsod pa med pa mchog tu byed pa ni bsam pa dag pa'i phyir ro/ /byams pa la gnas pa ni sems can yongs su bskyab pa'i phyir ro/ /nyes pa mthong ba ni 'dus byas kyi dngos po thams cad de de ni tshul lo/ /rigs kyi bu dag de lta bas na
18a2 zad pa yang zad par ma byed cig / mi zad par yang ltung bar ma byed cig /zad pa'i chos nyid kyang khong du chud par gyis shig /gsol pa/ bcom ldan 'das ji ltar na byang chub sems dpa' rnams zad pa zad par mi bgyid pa lags/ ji ltar na mi zad par mi
18a3 ltung ba lags/ ji ltar na zad pa'i chos nyid kyang khong du chud pa lags/ bka' stsal pa/ zad pa zhes bya ba ni 'dus byas so/ /mi zad pa zhes bya ba ni 'dus ma byas so/ /de la byang chub sems dpas dge ba'i rtsa ba bsags pa'i phyir 'dus byas kyang zad par mi bya'o/ /
18a4 thabs la mkhas pas 'dus ma byas su yang ltung bar mi bya'o/ /zad pa'i chos nyid khong du chud par bya ba ni mi rtag pa'i mthar 'gyur ba ste de ni tshul lo/ /rigs kyi bu dag de lta bas na mun pa'i nang na'ang gnas par gyis shig /snang ba yang zin par gyis shig /
18a5 mi bya ba ni gyis shig /bya ba ni yal bar zhog shig /gsol pa/ bcom ldan 'das ji ltar na byang chub sems dpa' rnams mun pa'i nang na gnas pa lags/ ji ltar na snang ba zin pa lags/ ji ltar na mi bgyi ba bgyid pa lags/ ji ltar na bgyi ba yal bar gzhog
18a6 pa lags/ bka' stsal pa/ mun pa zhes bya ba ni mi shes pa ste/ de la byang chub sems dpa' rnams kyis sems can mi shes pa rnams kyi don du bden pa thob par bya'o/ /snang ba zhes bya ba ni shes rab ste/ shes rab des kyang mun pa bsal bar bya'o/ /mi bya ba
18a7 zhes bya ba ni mya ngan las 'das pa'o/ /bya ba zhes bya ba ni mngon par 'du bya ba med pa'o/ /de byang chub sems dpa' rnams kyis yal bar gzhag par bya ste de ni tshul lo/ /rigs kyi bu dag de lta bas na zab mo'i chos kyi snang ba la yang gnas par gyis shig /snang ba'i
iiif viewer powered by OpenSeadragon
Texts on this page
D244 - 'phags pa chos kyi tshul zhes bya ba theg pa chen po'i mdo