| e-texts navigator |
| བོད་ཡིག |
17b1 dga' ba med pa'o/ /snying brtse ba med pa ni phyi rol gyi dngos po rnams yongs su btang ba la'o/ /snying rje ba med pa ni nang gi dngos po mgo la sogs pa yongs su btang ba la ste/ de ni tshul lo/ /rigs kyi bu dag de lta bas na bden pa yang khong du chud par gyis shig /
17b2 du smra ba yang ma spang zhig /gsol pa/ bcom ldan 'das ji ltar na byang chub sems dpa' rnams bden pa khong du chud par bgyi ba lags/ ji ltar na du smra ba ni mi spong ba lags/ bka' stsal pa/ bden pa khong du chud par bya ba ni nyan thos dang rang sangs
17b3 rgyas 'dul ba'i phyir ro/ /du smra ba mi spang ba ni 'dus byas la nye bar spyod pa'i phyir te de ni tshul lo/ /rigs kyi bu dag de lta bas na pha rol tu phyin par bgyis te/ tshu rol gyi ngogs la blta bar gyis shig /pha rol tu phyin par ma byed par pha rol gyi ngogs la
17b4 blta bar gyis shig / gsol pa/ bcom ldan 'das ji ltar na byang chub sems dpa' rnams pha rol tu phyin cing tshu rol gyi ngogs la blta ba lags/ ji ltar na pha rol tu phyin par mi bgyid cing pha rol gyi ngogs la blta ba lags/ bka' stsal pa/ pha rol tu phyin pa ni
17b5 sems can thams cad kyi sems dang / spyod pa dang / bsam pa la'o/ /tshu rol gyi ngogs la blta ba ni sems can thams cad yongs su smin par bya ba'i phyir ro/ /pha rol tu phyin par mi bya ba ni pha rol bsgral ba'i phyir ro/ /pha rol gyi ngogs la lta ba ni rtag tu mya ngan
17b6 las 'da' ba la gzhol bar bya ste de ni tshul lo/ /rigs kyi bu dag de lta bas na rtag tu mi 'thun par yang gyis la rtsod pa med pa mchog tu yang gyis shig /byams pa la yang gnas la skyon yang mthong bar gyis shig /gsol pa/ bcom ldan 'das ji ltar na byang
17b7 chub sems dpa' rnams rtag tu mi 'thun par bgyid pa dang / rtsod pa ma mchis pa mchog tu bgyid pa lags/ ji ltar na byams pa la gnas shing skyon yang mthong ba lags/ bka' stsal pa/ rtag tu mi 'thun par byed pa ni dam pa'i chos yongs su gzung ba'i phyir ro/ /
iiif viewer powered by OpenSeadragon
Texts on this page
D244 - 'phags pa chos kyi tshul zhes bya ba theg pa chen po'i mdo