| e-texts navigator |
| བོད་ཡིག |
17a1 ji ltar na ci la'ang lan mi re ba lags/ ji ltar na rnyed pa chen pos nye bar 'tsho ba lags/ bka' stsal pa/ nor dang ldan pa zhes bya ba ni nor bdun dang ldan pa'o/ /byas pa shes pa med par sbyar ba ni ser sna can rnams sbyin pa la sbyar ba dang / shes
17a2 rab 'chal pa rnams shes rab la sbyar ba'o/ /ci la'ang lan re ba med pa ni rang gi dgos pa la'ang nan tan du bya ba'o/ /rnyed pa chen pos nye bar 'tsho ba ni bla na med pa yang dag par rdzogs pa'i byang chub tu yongs su bsngo ba ste de ni tshul lo/ /rigs kyi bu dag de
17a3 lta bas na chags pa yang shes par gyis shig / chags pa rnams la yang spyod cig /chags pa la zhen pa rnams la'ang ltos shig /chags pa med pa la'ang srungs shig /gsol pa/ bcom ldan 'das ji ltar na byang chub sems dpa' rnams la chags
17a4 pa 'tshal ba lags/ ji ltar na chags pa rnams la spyod pa lags/ ji ltar na chags par zhen pa la lta ba lags/ ji ltar na chags pa ma mchis pa srung ba lags/ bka' stsal pa/ chags pa shes par bya ba ni gzugs med pa'i snyoms par 'jug pa rnams so/ /
17a5 chags pa rnams la spyad pa ni skye mched drug gcad pa'o/ /chags par zhen pa la lta ba ni so so'i skye bo yongs su smin par bya ba'o/ /chags pa med pa srung ba ni skyon med par mi 'jug pa ste de ni tshul lo/ /rigs kyi bu dag de lta bas na 'jigs par gyis shig /
17a6 mngon par dga' ba med par gyis shig /snying brtse ba med par gyis shig /snying rje ba med par gyis shig /gsol pa/ bcom ldan 'das ji ltar na byang chub sems dpa' rnams 'jigs par bgyid pa lags/ ji ltar na mngon par dga' ba ma mchis pa lags/
17a7 ji ltar na snying brtse ba ma mchis pa lags/ ji ltar na snying rje ba ma mchis pa lags/ bka' stsal pa/ 'jigs zhes bya ba ni nyan thos dang rang sangs rgyas kyi sas 'jigs pa'o/ /mngon par dga' ba med ces bya ba ni gzugs med pa'i snyoms par 'jug pa rnams la
iiif viewer powered by OpenSeadragon
Texts on this page
D244 - 'phags pa chos kyi tshul zhes bya ba theg pa chen po'i mdo