| e-texts navigator |
| བོད་ཡིག |
15b1 bsgrod de/ thal mo sbyar nas/ sangs rgyas la phyag 'tshal te song ngo / /dam pa'i chos kyi rgyal po'i yi ge bam po gcig ste rdzogs so// //sngon rgya las 'gyur ba'i rnying pa skad gsar gyis ma bcos par snang // //
15b2 @##/ /rgya gar skad du/ Ar+ya d+harma Na ya nA ma ma hA yA na sU tra/ bod skad du/ 'phags pa chos kyi tshul zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom
15b3 ldan 'das mnyan yod na rgyal bu rgyal byed kyi tshal na smyug ma las byas pa'i 'khor gyi khyams na bzhugs te/ de'i tshe smyug ma las byas pa'i 'khor gyi khyams su 'dus shing 'khod pa'i byang chub sems dpa' rab tu mang po dag 'di snyam du sems te/ bdag cag gis ji ltar
15b4 gnas par bya/ ji ltar bsgrub par bya/ ji ltar rnal 'byor du bya/ ji ltar sems can rnams yongs su smin par bya snyam pa dang / de nas bcom ldan 'das kyis byang chub sems dpa' rab tu mang po de dag gi bsam pa mkhyen nas smyug ma las byas pa'i 'khor gyi khyams
15b5 ga la ba der gshegs te byon nas gdan bting ba la bzhugs so/ /bzhugs nas bcom ldan 'das kyis byang chub sems dpa' rab tu mang po de dag la 'di skad ces bka' stsal to/ /rigs kyi bu dag legs so legs so/ /khyod kyi rtog pa ni bzang ngo / /yid
15b6 kyi dri ba ni mdzes so/ /spobs pa ni dge'o/ /yid la bya ba ni tshul bzhin no/ /rigs kyi bu dag de'i phyir legs par rab tu nyon la yid la zung shig dang / byang chub sems dpa' sems dpa' chen po rnams kyi tshul gang byang chub sems dpa'i spyod pa thams cad ston
15b7 par byed pa dang / sangs rgyas kyi chos thams cad rjod par byed pa de lta bu'i chos kyi tshul ngas khyod la bshad do/ /bcom ldan 'das legs so zhes gsol nas/ byang chub sems dpa' de dag bcom ldan 'das kyi ltar nyan pa dang / bcom ldan 'das kyis de dag la 'di skad
iiif viewer powered by OpenSeadragon
Texts on this page
D243 - dam pa'i chos kyi rgyal po theg pa chen po'i mdo
D244 - 'phags pa chos kyi tshul zhes bya ba theg pa chen po'i mdo