rKTs

e-texts navigator

Volume

Page

254a₁ yang mi dmigs te/ /des na brgyad pa zhes brjod do/ /log pa'i lta las rnam par 'das/ /yang dag lta ba rnam par bshig /bzang po'i lam gyi mnyam nyid 'thob/ /des na brgyad pa zhes brjod do/ /'jigs tshogs las ni rnam par 'das/ /
254a₂ byang chub mchog la rab tu zhugs/ /sangs rgyas lam yang rjes su thob/ /des na brgyad pa zhes brjod do/ /de ni rang gi 'du shes bzlog /byang chub 'du shes rnam par bshig /dpe med pa yi 'du shes thob/ /des na brgyad pa zhes brjod do/ /sems can
254a₃ gnas las shin tu 'das/ /gnas med pa la rab tu zhugs/ /chos rnams kun la mi gnas te/ /des na brgyad pa zhes brjod do/ /'jig rten chos las rnam par 'das/ /'phags pa'i chos ni rnam par bshig /'gog pa'i dbyings ni rjes su thob/ /
254a₄ des na brgyad pa zhes brjod do/ /gang dag 'jig rten chos brjod dang / /sangs rgyas chos gang tha dad pa/ /chos de de yis mi rnyed de/ /des na brgyad pa zhes brjod do/ /yod ces pa 'di mtha' gcig ste/ /med ces bya ba gnyis pa yin/ /mtha'
254a₅ 'di de yis rnam par spangs/ /des na brgyad pa zhes brjod do/ /de ni bdag dang bdag med mtshungs/ /rtag pa dang ni chad pa mtshungs/ /de yis mnyam nyid mtshungs par shes/ /des na brgyad pa zhes brjod do/ /'das pa'i sems ni mi rnyed de/ /ma 'ongs
254a₆ sems kyang de bzhin no/ /da ltar byung la mnyam par thob/ /des na brgyad pa zhes brjod do/ /byang chub tu ni dang po sems/ /dge ba skyes pa gang yin pa/ /sems de dmigs pa ma yin na/ /de yis ji ltar byang chub thob/ /gang la byang chub mi dmigs pa/ /de
254a₇ ni de ltar mi dmigs zhugs/ /des na de la dug dang mes/ /rnam pa kun du mi tshugs so/ /de ni 'gro dang bral ba ste/ /mtshan ma yis ni chags pa med/ /'gro ba med pa'i 'gro bar phyin/ /des na brgyad pa zhes brjod do/ /byang chub 'gro dang bral ba

_{iiif viewer powered by OpenSeadragon}

253b - 254b

Texts on this page