| e-texts navigator |
| བོད་ཡིག |
253a1 chos de dag mi dmigs pa'i phyir ro/ /'jig rten pa'i chos rnams las rab tu 'das shing / 'jig rten las 'das pa'i chos rnams la zhu gsal 'gog pa'i dbyings dang chos kyi dbyings mnyam pa thob pa yin/ 'jig rten pa rnams dang / 'jig rten las
253a2 'das pa'i chos rnams mi dmigs shing chos rnams dang / chos ma yin pa rnams dang / yod pa dang med pa rnam par spangs pa yin/ de chad pa dang rtag pa la mtshungs par 'du shes pa yin te/ 'das pa dang / ma 'ongs pa dang / da ltar byung ba'i sems la mtshungs
253a3 par gyur pa yin/ byang chub kyi sems de yang mi dmigs pa yin no/ /de ci'i phyir zhe na/ sems can thams cad mtshungs par gyur pa/ mnyam pa nyid du des shes pa yin te/ des na de'i lus la dug dang me dang mtshon gyis mi tshugs so/ /de ci'i phyir zhe na/
253a4 des yul thams cad kyang rnam par spangs pa yin la/ de'i rtogs pa sangs rgyas kyi yul la yang legs par gnas pa yin no/ /de ci'i phyir zhe na/ byang chub ni 'gro ba med pa/ 'ong ba med pa bde ba zhi ba grangs su ma gtogs pa ste/ ting nge 'dzin de la legs
253a5 par gnas pa yin no/ /de ci'i phyir zhe na/ byang chub ni stong pa'o/ /de ltar na de'i gnas de med pa yin te/ de na de'i lus la mtshon gyis mi reg mi phog ste/ des na mi sod pa zhes bya'o/ /de ltar nges par 'byung ba ni mi sod pa yin te/ des bde bar bde ba'i shes pa
253a6 rtogs so/ /de ci'i phyir zhe na/ des gang gis rtogs pa'i shes pa de yang mi rnyed de/ de na de'i lus la mtshon gyis mi tshugs mi phog go/ /de ci'i phyir zhe na/ de chos thams cad 'dre ba med par shes pa'i phyir te/ des na de mtshon gyis mi sod do/ /de ci'i phyir zhe na/
253a7 'di ltar sems can thams cad la byams pas khyab par byed de/ byang chub kyi rnam pa mngon par sgrub pa'i byams pa dang / rnam pa med cing chags pa med pa'i byams pa dang / chos thams cad stong pa nyid dang / zhi ba'i dbyings ma thob pa'i byams pa dang / gnod
iiif viewer powered by OpenSeadragon
Texts on this page
D240 - 'phags pa phyir mi ldog pa'i 'khor lo zhes bya ba theg pa chen po'i mdo