rKTs

e-texts navigator

Volume

Page

252b₁ pas na/ /de chos rjes su 'brang bar 'dod/ /kun dga' 'di las dgongs nas ni/ /byang chub sems dpa' rab tu brjod/ /chos kyi rjes su 'brang ba zhes/ /ngas ni dgongs te 'di bshad do/ /gang dag byang chub ring du shes/ /de dag de ltar nye bar khrid/ /de ltar
252b₂ byang chub sems dpa'i chos/ /mang po dag ni ngas bshad de/ /de lta bu yi thabs kyis ni/ /sangs rgyas chos rnams rab tu bstan/ /kun dga' bo de ltar de bzhin gshegs pa dgra bcom pa yang dag par rdzogs pa'i sangs rgyas kyis byang chub sems dpa' sems
252b₃ dpa' chen po chos kyi rjes su 'brang bar yongs su bstan to/ /kun dga' bo ji ltar de bzhin gshegs pa dgra bcom pa yang dag par rdzogs pa'i sangs rgyas kyis byang chub sems dpa' sems dpa' chen po brgyad par yongs su bstan zhe na/ kun dga' bo 'di la
252b₄ byang chub sems dpa' sems dpa' chen po ni log pa nyid brgyad las shin tu 'das pa yin te/ rnam par thar pa brgyad la reg cing yang dag pa nyid brgyad la mngon par zhen pa yang med pa yin/ so so'i skye bo'i chos las shin tu 'das pa yin/ lam la yang
252b₅ legs par gnas pa yin te bar ma nyid thob pa yin/ so so'i skye bo'i chos las kyang 'das la/ sangs rgyas kyi theg pa la mngon du zhugs pa yang yin zhing byang chub de yang mi rnyed/ log par lta ba las kyang shin tu 'das shing yang dag par lta ba yang rnam par bshig
252b₆ pa yin/ mnyam pa nyid rjes su thob cing 'jig tshogs las rnam par 'das pa yin/ byang chub tu mngon du zhugs shing sangs rgyas kyi lam rjes su thob pa yin/ de sems can du 'du shes pa bzlog pa yin/ de sangs rgyas su 'du shes pa rnam par bshig
252b₇ pa yin/ 'du shes mnyam pa nyid rjes su thob pa yin/ sems can gyi gnas las shin tu 'das pa yin/ gnas med pa la yang mngon du zhugs la chos thams cad la mi gnas pa yang yin no/ /de ci'i phyir zhe na/ gang dag de'i gnas su 'gyur ba'i

_{iiif viewer powered by OpenSeadragon}

252a - 253a

Texts on this page