rKTs

e-texts navigator

Volume

Page

250b₁ ston to/ /de phyir dad pas 'brang bar gsungs/ /sems can gang dag dad mi ldan/ /de dag dad la 'dzud byed cing / /dri med chos la dad par byed/ /de phyir dad pas 'brang bar gsungs/ /dad pa'i sems dang ldan gyur nas/ /sems ni byang chub 'jug par byed/ /sems
250b₂ de yang ni mi rnyed de/ /de phyir brtan pa dad pas 'brang / /chos kyi dbyings ni rtag mnyam par/ /dad pas mnyam pa nyid du shes/ /dbyings de yang ni mi rnyed la/ /dbyings zhes tha snyad 'dogs pa'ang med/ /'du byed thams cad mi rtag dang / /sdug bsngal stong pa
250b₃ bdag med par/ /yid ches de yis stobs bskyed pas/ /de phyir dad pas 'brang bar gsungs/ /zag med tshul khrims yid ches la/ /rnyog pa med cing spros med pa/ /zhi ba'i dbyings la mnyam gzhag pa/ /de phyir blo ldan dad pas 'brang / /sems can
250b₄ thams cad dbyings med dang / /mya ngan 'das pa'i dbyings yid ches/ /dad pa gang gis yid ches pa/ /dad pa de yang de'i mtshan nyid/ /chos kyi dbyings la chags med pas/ /sems can dbyings kyang mthong ma yin/ /ye shes ldan pa chos kyi dbyings/ /bsam
250b₅ gyis mi khyab de mi mthong / /byang chub sems dpa' 'jigs med pa/ /chos 'di ji ltar 'di 'dra bar/ /de ltar dad pas yid ches pa/ /de phyir dad dang ldan par gsungs/ /yang dag nyid du sems can kun/ /de dag ngo bo nyid kyis stong / /gang na'ang gnas pa ma yin
250b₆ te/ /de dag gnas ni yod ma yin/ /sems can thams cad mya ngan 'das/ /yang dag tu na de yang stong / /des na mya ngan 'das pa de/ /stong pa nyid du yongs su brjod/ /byang chub sems dpa' 'jigs med pa/ /'phags te de ltar yid ches te/ /des na dad pas
250b₇ rjes 'brang zhes/ /grags ldan rnams kyis ming 'thob bo/ /dad pas rjes su 'brang rnams kyi/ /dad pa de ni 'di 'drar gsungs/ /kun dga' khyod kyis de ltar zung / /de ltar 'di ni rab tu shod/ /kun dga' chos rnams 'di dag dang / /gzhan yang mang po mtha' yas

_{iiif viewer powered by OpenSeadragon}

250a - 251a

Texts on this page